Распаўсюд хрысьціянства

Распаўсюд хрысьціянства да 325

Распаўсюд хрысьціянства да 600

Распасўсюд хрысьціянства — працэс прыняцьця хрысьціянства рознымі народамі й увядзеньня яго ў якасьці дзяржаўнае рэлігіі. Распачаўся яшчэ ў І ст. н. э. падчас дзейнасьці сьвятых апосталаў і іхных пасьлядоўнікаў.

Распаўсюд

• 301 — Прыняцьцё хрысьціянства ў Армэніі.
• 313 — Мілянскі эдыкт пра свабоду веравызнаньня ў Рымскай імпэрыі. Да канца стагодзьдзя хрысьціянства стала адзінай афіцыйнай рэлігіяй у дзяржаве.
• 317 — Увядзеньне хрысьціянства царом Мірыянам ІІІ у Картлі (Грузія).
• 333-356 — Прыняцьце хрысьціянства царом Аксуму Эзанам (Этыёпія).
• 341 — Прыняцьцё хрысьціянства готамі ў выніку дзейнасьці біскупа Ўльфілы.
• 431 — Хрышчэньне Лейнстару Палядыюсам (Ірляндыя)
• 432 — Хрышчэньне Ульстару сьвятым Патрыкам (Ірляндыя)
• 496 — Хрышчэньне франкаў каралём Хлёдвігам
• 597 — Пачатак хрысьціянізацыі англасаксаў (Англія)
• 772-804 — Хрысьціянізацыя саксаў у выніку паходаў франкскакга караля Карла
• 821 — Прыняцьцё хрысьціянства князем бодрычаў Славамірам.
• 831 — Хрышчэньне Маравіі князем Моймірам.
• 830-я — Хрышчэньне Харватыі.
• 864 — Хрышчэньне Баўгарыі ханам Барысам.
• 860-я — Хрышчэньне Сэрбіі.
• 884 — Хрышчэньне Чэхіі князем Баржывоем.
• 957 — Прыняцьце хрысьціянства кіеўскай княгіняй Вольгай.
• 965 — Хрышчэньне Даніі каралём Харальдам Сінязубым.
• 966 — Хрышчэньне Польшчы князем Мешкам І.
• 988 — Хрышчэньне ўсходніх славянаў кіеўскім князем Уладзімерам І (Беларусь, Расея, Украіна).
• 994 — Прыняцьцё хрысьціянства нарвэскім каралём Оляфам Тругвэсанам.
• 997 — Хрышчэньне Вугоршчыны ханам Валкам (Іштван І Сьвяты).
• 1000 — Хрышчэньне Ісьляндыі.
• 1008 — Хрышчэньне Швэцыі каралём Уляфам Шотконунгам.
• 1000-я — Хрышчэньне Грэнляндыі Лейфам Эйрыксанам.
• 1147 — Захоп немцамі земляў палабскіх славянаў і хрысьціянізацыя мясцовага насельніцтва.
• 1147 — Захоп швэдамі Фінляндыі й хрысьціянізацыя мясцовага насельніцтва.
• 1201 — Пачатак хрысьціянізацыі Латвы.
• 1208 — Пачатак хрысьціянізацыі эстаў.
• 1387 — Хрышчэньне Аўкштоты вялікім князем літоўскім Ягайлам.
• 1413 — Хрышчэньне Жмудзі вялікім князем літоўскім Вітаўтам.

Надалей хрысьціянства распаўсюджвалася ў выніку вялікіх геаграфічных адкрыцьцяў і каляніяльнае экспансіі эўрапейскіх дзяржаваў у Амэрыку, Афрыку, Азію й Акіянію, а таксама ў выніку дзейнасьці місыянэраў.