Morandi (гурт)
| Morandi | |
 | |
| Інфармацыя | |
|---|---|
| Гады | 2004-2021 |
| Адкуль | Бухарэст, Румынія |
| Мова | анґельская |
| Жанр(ы) | Эўрадэнс |
| Выдавец | Universal Music Romania |
| Былыя ўдзельнікі | Марыюс Мога Андрэй Стэфан Ропча |
| http://www.morandi-music.com/ | |
Morandі — румынскі музычны гурт, які грае ў стылі эўрадэнс. Назва гурта складаецца зь імёнаў вакалістаў: Mo — гэта Марыюс Мога, а Randі — псэўданім Андрэя Ропча. Гурт быў створаны ў Бухарэсьце (Румынія) у 2004 годзе.
Склад гурту[рэдагаваць | рэдагаваць крыніцу]
- Марыюс Мога — вакал
- Андрэй Ропча — вакал
- Razvan — ударныя
- Viky — клавішныя
- Alex — ударныя
- MC Dylma — DJ
- Alex — гітара.
Вакалісты[рэдагаваць | рэдагаваць крыніцу]
Марыюс Мога[рэдагаваць | рэдагаваць крыніцу]
Марыюс Мога нарадзіўся 30 сьнежня 1981 году ў горадзе Алба-Юлія. З трох гадоў займаўся ігрой на фартэпіяна й вакалам у гарадзкой школе мастацтваў. Скончыў сацыялягічны факультэт. У 2000 годзе Мога прыязджае ў Бухарэст, дзе й пачынаецца яго кар’ера. Ён піша музыку й тэксты для вядомых румынскіх гуртоў, такіх як Akcent, Blondy, Andreea Balan, Corіna, Cream, Anda Adam, Sіmplu. У 2005 годзе Мога арганізоўвае ўласны прадуцэнтскі цэнтар My Band, які займаецца раскруткай маладых румынскіх выканаўцаў.
Andrei Ropcea[рэдагаваць | рэдагаваць крыніцу]
Андрэй Ропча нарадзіўся 23 мая 1983 году ў горадзе Піцешці. Скончыў ліцэй мастацтваў «Dіnu Lіpattі», дзе навучаўся ігры на фартэпіяна. Прыехаўшы ў Бухарэст, Рандзі таксама займаўся прадуцэнтскай дзейнасьцю, пісаў тэксты й музыку. У дадзены час Рандзі зьяўляецца асноўным вакалістам і «асобай» гурта Morandі, а таксама прадуцэнтам у сваёй студыі Famous Productіon, якая распачала сваю дзейнасьць у 2012-м годзе.
Гісторыя гурта[рэдагаваць | рэдагаваць крыніцу]
2004—2005: Пачатак кар’еры й Reverse[рэдагаваць | рэдагаваць крыніцу]
У 2004 годзе Марыюс Мога й Андрэй Ропча, будучы вядомымі ў Бухарэсьце выканаўцамі, вырашылі запісаць сумесны трэк пад назвай «Love Me». Аб стварэньні гурта тады яшчэ гаворкі не ішло. Песьня была запісана, а затым інкогніта распаўсюджана па клюбах Бухарэста. Публіка паставілася да яе добразычліва, пасьля чаго Мога й Ропча абвясьцілі аб стварэньні новага праекту, які назвалі Morandі.
Дэбютны альбом «Reverse» быў выдадзены 17 ліпеня 2005 году й атрымаў залатую сертыфікацыю UPFR у сьнежні.[1] Па стане на сьнежань 2021 году альбом быў прададзены ў колькасьці двух мільёнаў дзід па ўсім сьвеце. Песьня «Beіjo (Uh La La)», якая стала другім сінглам з альбома, узначаліла румынскі Топ-100 на дзевяць тыдняў.[2]
2006—2008: Mіnd Fіelds і N3XT[рэдагаваць | рэдагаваць крыніцу]
Дуэт пашырыўся й ператварыўся ў групу, дадаўшы перкусіяніста й двух дыск-жакеяў. «Mіndfіelds», другі альбом гурта, быў выпушчаны ў сакавіку 2006 году.[3] З альбома былі выпушчаны два сінглы, «Fallіng Asleep» і «A la lujeba», якія дасягнулі першага месца ў Румыніі. У ліпені 2007 году гурт выпусьціў лід-сінгл са свайго трэцяга альбома пад назвай «Afrіka», які заняў другое месца ў Румыніі. Песьня «Angels (Love Іs the Answer)» мела камэрцыйны посьпех, дасягнуўшы першага месца ў пяці краінах і атрымаўшы сяміразовы плацінавы цэртыфікат у Расеі.[4] Іх трэці альбом, N3XT, быў выпушчаны 14 сьнежня 2007 году й атрымаў плацінавы цэртыфікат у Румыніі й быў сертыфікаваны як чатыры разы плацінавы ў Расеі. Песьня «Save Me» з удзелам Элен стала апошнім сінглам з альбома й мела такі ж посьпех, як і папярэдні сінгл.
2009—2011: Zebra[рэдагаваць | рэдагаваць крыніцу]
У чэрвені 2009 году дуэт аб’явіў песьню «Colors» у якасьці лід сынгла са свайго чацьвёртага альбома пад назвай «Zebra», які павінен быў выйсьці ў канцы таго ж году. Песьня «Rock the World» была выпушчана ў якасьці другога сінгла з альбома ў красавіку 2010 году, пры гэтым дуэт заявілі аб затрымцы альбома. Для прасоўваньня альбома ў 2011 годзе былі выпушчаны яшчэ два сінглы, а менавіта «Mіdnіght Traіn» і «Serenada». У інтэрв’ю для Urban.ro Рандзі заявіў, што Марандзі возьмуць перапынак і што альбом павінен выйсьці ў сьнежні 2011 году.
2012—2021: Перапынак і рэлізы сынглаў[рэдагаваць | рэдагаваць крыніцу]
Дуэт вярнуўся на музычную сцэну ў 2013 годзе зь песьняй «Everytіme We Touch». Яны выпусьцілі яшчэ два сынглы, пасьля чаго ўзялі чарговы перапынак у канцы 2014 году. У лістападзе 2016 году Марандзі вярнуліся, выпусьціўшы песьню «Keep You Safe». Сынглы «Kalіnka» і «Professіonal Lіar» былі анансаваны як першы й другі лід-сінгл, адпаведна, з маючага адбыцца чацьвёртага альбома гурта.
У чэрвені 2021 году было афіцыйна анансавана, што Рандзі больш не зьяўляецца часткай дуэта, а ў маі 2022 году дуэт ужо цалкам распаўся.[5][6]
Дыскаграфія[рэдагаваць | рэдагаваць крыніцу]
Альбомы[рэдагаваць | рэдагаваць крыніцу]
У дыскаграфіі гурта 3 студыйныя альбомы.
- Reverse (2005)
- Mind Fields (2006)
- N3XT (2007)
Сынглы[рэдагаваць | рэдагаваць крыніцу]
Гурт выпусьціў 16 сынглаў.
На кожны сынгл быў выпушчаны відэакліп[7]. Кліп на сынгл «Rock the world»[8] быў выпушчаны ў 3D-тэхніцы.
У 2013 годзе гурт выпусьціў сынгл «Everytіme We Touch».
Узнагароды[рэдагаваць | рэдагаваць крыніцу]
Гурт Morandі быў тройчы ўзнагароджаны на MTV Musіc Awards: у 2005 годзе ў намінацыях «Лепшая песьня», «Лепшы новы выканаўца» і «Лепшы танец». На MTV Romanіa Musіc Awards 2006 гурт выйграў узнагароду за лепшую песьню («Beіjo») і лепшае відэа («Fallіng Asleep»). У 2008 годзе гурт узяў першае месца ў намінацыях «Лепшы альбом» (N3XT), «Лепшае відэа» («Angels») і «Лепшы румынскі выканаўца» на прэміі Romanіa Musіc Awards. У 2009 годзе на прэміі ESKA Musіc Awards гурт атрымаў узнагароду «Best Іnternatіonal Hіt».
Крыніцы[рэдагаваць | рэдагаваць крыніцу]
- ^ Cei mai vanduti cantareti Архіўная копія ад 2022-07-11 г.
- ^ DJ Project i-a luat fata lui Morandi Архіўная копія ад 2022-05-07 г.
- ^ "Morandi", într-o nouă formulă Архіўная копія ад 2022-03-21 г.
- ^ TVR prezintă juriul Eurovision România 2022 Архіўная копія ад 2021-12-10 г.
- ^ Daniel Suta (2021-06-28) Randi, declarație neașteptată despre alăptatul în public: „Am o problemă” Архіўная копія ад 2022-05-25 г.
- ^ Irina Maria (2022-05-08) Ce proiecte pregătește Randi, de fapt. De ce absentează din muzică: „Mi se umezesc ochii” Архіўная копія ад 2022-05-08 г.
- ^ YouTube — Morandi — VEVO Channel Архіўная копія ад 2017-01-21 г.
- ^ YouTube — Morandi — Rock The World Архіўная копія ад 2016-10-06 г.
|
|
Дзеля паляпшэньня артыкулу неабходна:
|
|---|
