Mak.by
Mak.by | |
Сайт | mak.by |
---|
«Mak.by» — беларуская сетка рэстаранаў хуткага харчаваньня, створаная на базе сеткі McDonald’s пасьля ейнага закрыцьця ў Беларусі ў 2023 годзе.
Гісторыя[рэдагаваць | рэдагаваць крыніцу]
Амэрыканская сетка рэстаранаў прыйшла ў Беларусь 10 сьнежня 1996 году, тады быў адкрыт першы рэстаран McDonald’s у Менску. У лістападзе 2022 году было абвешчана, што брэнд сыходзіць з краіны 22 лістапада й на яго месца павінна была прыйсьці расейская сетка хуткага харчаваньня «Смачна — і кропка», але гэтага не адбылося, і жыцьцё McDonald’s была працягнутая да 27 лістапада 2022 году[1], з таго моманту рэстараны працавалі пад шыльдаю «Мы открыты!» (па-беларуску: Мы адчынены!).
У пачатку красавіка 2023 году кампанія «КСБ Віктары Рэстараны» (кіравала McDonald’s у краіне) падала заяўку на рэгістрацыю назовы й таварнага знаку «Mak.by» [2]
18 красавіка 2023 году сетка рэстаранаў была перайменавана ў «Mak.by». У гэты ж дзень пачаў працаваць мабільны дадатак «МойMak.by».
18 кастрычніка 2023 году кампанія прадставіла новы дызайн пакаваньня бульбы фры, бургераў ды іншых прадуктаў. Дызайн распрацавала беларуская брэндынгавая агенцыя «Fabula Branding».
Абноўленыя назовы[рэдагаваць | рэдагаваць крыніцу]
- «Хэпі Міл» атрымаў назоў «Кідс Міл»;
- «Біг Тэйсьці» атрымаў назоў «Біг Бургер»;
- «Біг Тэйсьці з курыцай» прыбралі зь меню, на зьмену яму прыйшла малодшая вэрсыя бургера — «Чыкен Тэйсьці Джуніёр»;
- «МакЧыкен» атрымаў назоў «Чыкен Клясік»;
- «Макфлуры» атрымаў назоў «Марозіва Дэ Люкс»;
- «Філе-о-Фіш» атрымаў назоў «Фіш Бургер»;
- «Роял» атрымаў назоў «Гранд Чызбургер»;
- «Біг Мак» вярнулі ў меню пад назовам «Мак Бургер»;
- «Цэзар Рол» вярнулі ў меню;
- «Біг Тэйсьці Рол» вярнулі ў меню пад назовам «Біф Тэйсьці Рол»;
- «МакТост з сырам» атрымаў назоў «Тост з сырам».
- Акно «McDrive» атрымала назоў «Mak.Drive»
- Канцэпцыя кавярняў «McCafe» пераўтварылася ў «Mak.Cafe»
- Дастаўка «McDelivery» атрымала назоў «Mak.Delivery»
Зьмены ў рэцэптуры[рэдагаваць | рэдагаваць крыніцу]
Пасьля рэбрэндынгу рэстараны Mak.by пачалі пераход на беларускіх пастаўшчыкоў: сыр «Эмэнталь» зьмянілі на «Чэдар», соусы Heinz замянілі на айчынныя «КАМАКА».
Крыніцы[рэдагаваць | рэдагаваць крыніцу]
Вонкавыя спасылкі[рэдагаваць | рэдагаваць крыніцу]
- mak.by — афіцыйны сайт «Mak.by».