Царква Ўшэсьця Гасподняга (Петрыкаў)

Помнік сакральная архітэктуры
Царква Ўшэсьця Гасподняга
Царква Ўшэсьця Гасподняга (да надбудовы купалоў-цыбулінаў)
Краіна	Беларусь
Места	Петрыкаў
Каардынаты	52°07′25.52″ пн. ш. 28°29′34.45″ у. д.
Канфэсія	Беларускі экзахат
Эпархія	Тураўская япархія
Царква Ўшэсьця Гасподняга на мапе Беларусі Царква Ўшэсьця Гасподняга

Царква Ўшэсьця Гасподняга — помнік архітэктуры канца XIX стагодзьдзя ў Петрыкаве. Знаходзіцца ў цэнтры места. Дзее. Твор архітэктуры «цаглянага» стылю.

Гісторыя

Царква, 1932 г.

Ушэсьценскую мураваную царкву Ўрадавага сыноду Расейскай імпэрыі (Маскоўскай царквы) у Петрыкаве збудавалі ў 1890 годзе.

У 1930-я гады савецкія ўлады зачынілі царкву. У 1990-я гады будынак аднавілі не ў аўтэнтычным выглядзе (атынкавалі і надбудавалі купалы-цыбуліны).

Архітэктура

Помнік архітэктуры «цаглянага» стылю. Рэдкі прыклад тагачаснай праваслаўнай архітэктуры на этнічнай тэрыторыі беларусаў (у юрысдыкцыі Ўрадавага сыноду Расейскай імпэрыі) без выкарыстаньня стылістыкі Маскоўскай дзяржавы. Мае 4-часткавую структуру: прытвор-званіца, кароткая трапезная, папярочны аб’ём малітоўнай залі, 5-гранная апсыда. У сылюэце пануюць 2 дамінанты: 4-гранная купальная званіца і магутны васьмігранны сьветлавы барабан, накрыты самкнутым сфэрычным купалам. Уваход вылучаецца нізкім прастакутным прытворам пад 2-схільным пакрыцьцём. Фасады праразаюцца аркавымі аконнымі праёмамі і круглымі люкарнамі, атынкаваныя ліштвы якіх раней графічна вылучаліся на чырвонацагляным фоне фасадаў.

Галерэя

• Сучасныя здымкі
• 
  Па атынкаваньні і надбудове купалоў-цыбулінаў
• 
  Галоўны фасад
• 
  Інтэр’ер
• 
  Росьпіс

Літаратура

• Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.

Вонкавыя спасылкі

• Царква Ўшэсьця Гасподняга ў Петрыкаве, Radzima.org