Мікіта Былінкін
| Мікіта Былінкін | ||
| Пэрсанальная інфармацыя | ||
|---|---|---|
| Нарадзіўся | 27 студзеня 1999[1] (25 гадоў) | |
| Рост | 185 см | |
| Вага | 80 кг[1] | |
| Пазыцыя | абаронца | |
| Клюбная інфармацыя | ||
| Клюб | Слуцак | |
| Нумар | 12 | |
| Клюбы | ||
| Гады | Клюб | Гульні (галы)¹ |
| 2019 | Слуцак | 0 (0) |
| 2019 | → Смалявічы | 4 (1) |
| 2019 | → Вікторыя | 13 (2) |
| 2020 | Арсэнал Койданаў | 15 (0) |
| 2021— | Слуцак | 70 (1) |
|
¹ Колькасьць гульняў і галоў за прафэсійны клюб лічыцца толькі | ||
Мікі́та Ўладзімеравіч Былі́нкін (нар. 27 студзеня 1999 году) — беларускі футбаліст, абаронца «Слуцка».
Кар’ера[рэдагаваць | рэдагаваць крыніцу]
Выхаванец «Слуцка», дзе з 2015 году пачаў выступаць за дубль, хутка замацаваўшыся ў складзе. На наступны год ужо стаў прыцягвацца да асноўнай каманды. Дэбютаваў 9 ліпеня 2016 году ў матчы Кубка Беларусі супраць шацілавіцкага «Хіміка» (4:0), выйшаўшы на зьмену ў другім тайме. У 2017—2018 гадах працягваў гуляць за дубль і прыцягваўся да асноўнай каманды, але ў Найвышэйшай лізе гэтак і не згуляў.
У лютым 2019 году быў аддадзены ў арэнду ў «Смалявічы»[2], аднак ня здолеў замацавацца ў складзе, але выкарыстоўваўся як гулец ратацыі. У ліпені 2019 году пакінуў «Смалявічы» і да канца сэзону выступаў у Другой лізе за мар’інагорскую «Вікторыю», якую ў гэты час ачольваў колішні галоўны трэнэр «Слуцка» Юры Крот.
У сакавіку 2020 году склаў угоду з койданаўскім «Арсэналам»[3], дзе ня меў трывалага месца ў складзе і пераважна выходзіў на зьмену. Да сэзону 2021 году пачынаў рыхтавацца з «Арсэналам», аднак у сакавіку пакінуў каманду[4] і неўзабаве вярнуўся ў родны «Слуцак»[5]. Спачатку заставаўся на лаве запасных, а 30 траўня 2021 году дэбютаваў у Найвышэйшай лізе, выйшаўшы на замену ў канцы матчу супраць «Іслачы» (2:1). Пасьля стаў часьцей зьяўляцца на полі, у тым ліку ў стартавым складзе. У 2022 годзе замацаваўся ў якасьці асноўнага абаронцы случакоў. У лютым 2023 году склаў новую ўгоду з клюбам, працягнуўшы супрацу[6]. На новы сэзоне футбаліст быў абраны капітанам каманды. У студзені 2024 году зноў падоўжыў пагадненьне з случакамі[7].
Крыніцы[рэдагаваць | рэдагаваць крыніцу]
- ^ а б в г д е ё https://sfc-slutsk.by/person/105
- ^ Никита Былинкин уходит в аренду
- ^ Былинкин и Головенко подписали контракты с "Арсеналом"
- ^ Футбол. Никита Былинкин покинул дзержинский "Арсенал" Праверана 28 снежня 2021 г. Архіўная копія ад 28 снежня 2021 г.
- ^ Былинкин присоединился к "Слуцку"
- ^ Три игрока продлили контракты со "Слуцком" (рас.) Праверана 2023-03-01 г.
- ^ Трое защитников продлили контракты со "Слуцком" (рас.)
Вонкавыя спасылкі[рэдагаваць | рэдагаваць крыніцу]
- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball