Леанід Дударэнка

Леанід Дударэнка
	Леанід Дударэнка
Дата нараджэньня	25 кастрычніка 1930
Месца нараджэньня	Маладэчна, Віленскае ваяводзтва, Польская Рэспубліка;
Дата сьмерці	6 красавіка 2023 (92 гады)
Месца сьмерці	Менск, Беларусь;
Месца вучобы	Менскі дзяржаўны мастацкі каледж імя Аляксея Глебава; Беларуская дзяржаўная акадэмія мастацтваў;
Занятак	маляр
Узнагароды	;

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Дударэнка.

Леанід Аляксандравіч Дударэнка^[1] (25 кастрычніка 1930, Маладзечна — 6 красавіка 2023^[2], Менск) — беларускі мастак.

Жыцьцяпіс[рэдагаваць | рэдагаваць крыніцу]

Скончыў Менскую мастацкую вучэльню ў 1956 годзе, Беларускі тэатральна-мастацкі інстытут у 1962 годзе. З гэтага ж года ўдзельнік міжнародных і рэспубліканскіх мастацкіх выстаў, у тым ліку пэрсанальных пленэраў. З 1965 г. — сябра Беларускага саюза мастакоў.

Аўтар партрэтаў і партрэтныя кампазыцыі беларускіх пісьменьнікаў, створаныя ў 1980-я гг.: Уладзімера Караткевіча, Максіма Багдановіча, Ніла Гілевіча, Францішка Багушэвіча і інш. Кампазыцый «Жыцьцё — гэта тэатар», «Памяць паэта», «Майму народу гэта кніга (Скарына)», «Дзень Перамогі», «Аляксандр Салжаніцын», «За вас, сябры», а таксама грандыёзнай сэрыя, прысьвечаная праваслаўным храмам і манастырам.

«Званы праваслаўя» (1995—2006) — цалкам прысьвечана праваслаўнай храмавай архітэктуры Беларусі і Расеі. Храмы Полацку і Магілёву, Лагойску і Мсьціславу, Васкрасенску і Вышняга Валачка, Салаўкоў і Таржка, Зьвянігараду і Чардыні. У 2000 годзе ён выстаўляў першую частку работ з гэтай сэрыі ў залях Нацыянальнага мастацкага музэю Рэспублікі Беларусь і прысьвяціў яе тысячагодзьдзю хрысьціянства. Калекцыя, створаная з натуры у час паездак у 1970—1990 гг., з цягам часу дапаўнялася новымі работамі, якія затым экспанаваліся на самых розных выставачных пляцоўках. У 2005 г. пэрсанальная выстаўка «Званы праваслаўя» экспанавалася ў Міністэрстве замежных спраў Рэспублікі Беларусь.

Творы Дударэнкі знаходзяцца ў Нацыянальным мастацкім музэі Рэспублікі Беларусь, Музэі сучаснага выяўленчага мастацтва, Літаратурным музэі М. Багдановіча (Менск), Магілёўскім абласным мастацкім музэі імя П. Масьленікава, фондах Беларускага саюзу мастакоў, Астраханскім мастацкім музэі (Расея), фондах Міністэрства культуры Расеі, у музэях, галерэях і прыватных калекцыях за граніцай.

Узнагароды[рэдагаваць | рэдагаваць крыніцу]

1991 — заслужаны дзеяч мастацтваў БССР
2000 — ляўрэат прэміі прэзыдэнта Рэспублікі Беларусь «За духоўнае адраджэньне»
2006 — Мэдаль Францішка Скарыны
2009 — ордэн Кірылы Тураўскага 1-й ступені.

Крыніцы[рэдагаваць | рэдагаваць крыніцу]

^ Пайшоў з жыцьця беларускі мастак Леанід Дударэнка // Газэта «Зьвязда», 7 красавіка 2023 г. Праверана 7 красавіка 2023 г.
^ Памёр Леанід Дударэнка, Наша Ніва 6-04-2023

Літаратура[рэдагаваць | рэдагаваць крыніцу]

Беларуская энцыклапедыя : у 18 т. — Мінск, 1998. — Т. 6. с.253
Беларускі саюз мастакоў : энцыклапедычны даведнік. — Мінск, 1998

[1] Пайшоў з жыцьця беларускі мастак Леанід Дударэнка // Газэта «Зьвязда», 7 красавіка 2023 г. Праверана 7 красавіка 2023 г.

[2] Памёр Леанід Дударэнка, Наша Ніва 6-04-2023

[1]

[2]