Зьміцер Палітыка

Зьмі́цер Анто́навіч Паліты́ка (15 траўня 1915 — 18 красавіка 1965) — беларускі пэдагог. Кандыдат філялягічных навук, дацэнт.

Біяграфія

Нарадзіўся ў вёсцы Гарывец Чашніцкага раёну Віцебскай вобласьці ў сялянскай сям’і. Вучыўся ў Менскім і Лепельскім пэдагагічных тэхнікумах (1930—1932). Настаўнічаў у пачатковай школе ў вёсцы Копцевічы. У 1935 годзе скончыў літаратурны факультэт Магілёўскага пэдінстытуту. Працаваў у літаратурным кабінэце гэтага інстытуту, у Полацкай пэдвучэльні. Служыў у Чырвонай Арміі (1936—1937). Выкладаў расейскую літаратуру ў Магілёўскай пэдвучэльні (1937—1941), у пэдінстытуце (1944—1945), быў на пэдагагічнай рабоце ў Башкірскай АССР (1941—1944). У 1950 годзе скончыў Акадэмію грамадзкіх навук пры ЦК КПСС. З 1950 году загадваў катэдрай расейскай і беларускай мовы і літаратуры Рэспубліканскай партыйнай школы пры ЦК КПБ.