Беларускі кангрэсавы камітэт Амэрыкі

Беларускі кангрэсавы камітэт Амэрыкі (БККА) — грамадзкая арганізацыя беларусаў у ЗША. Каардынуе работу беларускіх згуртаваньняў, якія прытрымліваюцца палітычнай плятформы Беларускай цэнтральнай рады.

Гісторыя

Беларускі кангрэсавы камітэт Амэрыкі створаны 11 лютага 1951 году ў г. Саўт-Рывэр (штат Нью-Джэрзі) як выканаўчы орган Кангрэсу беларусаў Амэрыкі. Сярод задачаў БККА былі: каардынацыя працы беларускіх арганізацый у ЗША, выступленьні ад іх імя перад амэрыканскімі палітычнымі і грамадзкімі, а таксама міжнароднымі арганізацыямі. Першым старшынёй БККА стаў Мікола Шчорс.

Старшыні

• Мікола Шчорс (11.02.1951—30.06.1957)
• Іван Касяк (30.06.1957—13.03.1989)
• Расьціслаў Завістовіч (02.06.1990—20.12.2000)
• Робэрт Цупрык (2001—2021)

Камітэт зьбірае і распаўсюджвае інфармацыю на надзённыя беларускія тэмы. Выдае і распаўсюджвае часопіс «Беларуская думка».

Літаратура

• Гардзіенка А. Беларускі кангрэсавы камітэт Амэрыкі (БККА) / Алег Гардзіенка. - Смаленск: [б.в.], 2009. - 428 с., [12] с. іл. - (БІНІМ; Бібліятэка Бацькаўшчыны, Кніга 16).
• Ляднёва А. Беларускі кангрэсавы камітэт Амэрыкі // БелЭн у 18 т. Т. 2. - Мн., 1996.

Вонкавыя спасылкі

• Беларускі кангрэсавы камітэт Амэрыкі на сайце Kamunikat.org