Аляксандар Зубаў

Аляксандар Зубаў
Дата нараджэньня	13 сьнежня 1936(1936-12-13) (87 гадоў)
Месца нараджэньня	Махачкала, РСФСР, СССР
Месца вучобы	Маскоўскі дзяржаўны ўнівэрсытэт[d] (1964)
Занятак	мовазнавец
Навуковая сфэра	мовазнаўства
Месца працы	Менскі дзяржаўны пэдагагічны інстытут замежных моваў
Узнагароды	Грамата Прэзыдыюму Вярхоўнага Савету БССР[d] (1973) Ганаровая грамата Міністэрства адукацыі Рэспублікі Беларусі[d] (2008)

Вікіпэдыя мае артыкулы пра іншых асобаў з прозьвішчам Зубаў (неадназначнасьць).

Алякса́ндар Васі́левіч Зу́баў (нар. 1936, Махачкала, цяпер Рэспубліка Дагестан, Расея) — беларускі мовазнавец.

Доктар філялягічных навук (1985), прафэсар (1986) і акадэмік Міжнароднай акадэміі інфарматызацыі (1996).

Жыцьцяпіс

У 1964 годзе скончыў Маскоўскі дзяржаўны ўнівэрсытэт па спэцыяльнасьці «матэматыка». У 1965 годзе ўладкаваўся ў Менскі дзяржаўны пэдагагічны інстытут замежных моваў. У 1968-м стваў загаднікам катэдры інфарматыкі і прыкладной лінгвістыкі. У 1973 годзе ўзнагароджаны Граматай Вярхоўнага Савета БССР. У 1977-м атрымаў срэбраны мэдаль Выставы дасягненьняў народнай гаспадаркі СССР. У 1985 годзе абараніў доктарскую дысэртацыю. У 1995 годзе стаў прарэктарам Менскага дзяржаўнага лінгвістычнага ўнівэрсытэту. У 2008-м узнагароджаны Ганаровай граматай Міністэрства адукацыі Рэспублікі Беларусь.

Дасьледаваньні

Напісаў працы ў галіне мовазнаўства тэксту, кампутарнага мовазнаўства і штучнага інтэлекту і кампутарнага навучаньня. Аўтар працаў «Апрацоўка на АС ЭВМ тэкстаў натуральных моваў» (1977) і «Праблемы нараджэньня тэксту» (т. 1—2, 1987 і 1989). Суаўтар кніг «ЭВМ аналізуе тэкст» (1989), «Асновы лінгвістычнай інфарматыкі» (т. 1—3, 1991—1993) і «Лінгвістычная інфарматыка» (1995).