Монца (футбольны клюб)
| Монца | |
 | |
| Поўная назва | па-італьянску: Associazione Calcio Monza |
|---|---|
| Заснаваны | 1 верасьня 1912, 2004 і 2015 |
| Горад | Монца, Італія |
| Стадыён |
Брыянтэо Умяшчальнасьць: 15 039 |
| Прэзыдэнт | Паолё Бэрлюсконі[d] |
| Кіраўнік | Сыльвіё Бэрлюсконі |
| Галоўны трэнэр | |
| Чэмпіянат | Сэрыя A |
| · 2022—2023 | 11 месца |
 Галерэя здымкаў у Вікісховішчыacmonza.com (італ.) (анг.) | |
«Мо́нца» (па-італьянску: A.C. Monza) — італьянскі футбольны клюб з гораду Монца правінцыі Лямбардыі. Заснаваны 1 верасьня 1912 году. Клюб двойчы банкрутаваў, але здолеў аднавіцца з тых часоў. Апошнія посьпехі зьвязаныя зь дзейнасьцю палітыка Сыльвіё Бэрлюсконі, які ачоліў клюб у 2018 годзе. У сэзоне 2022—2023 гадоў каманда брала ўдзел у Сэрыі А. Традыцыйнымі супернікамі ёсьць клюбы «Кома», «Про Сэста» і «Піза».
Гісторыя[рэдагаваць | рэдагаваць крыніцу]
Клюб быў зафундаваны 1 верасьня 1912 году[2] ў траторыі «Капэльлё Вэк’ё»[3] праз аб’яднаньне клюбаў «Про Італія» і «Про Монцы». Першымі колерамі клюбу былі абраныя сіні і белы[4]. Дэбютным матчам паўсталай дружыны была сустрэча з адной зь мілянскіх камандаў, але першую перамогу гульцы з Монцы здабылі 20 верасьня 1912 году, калі яны выгулялі клюб «Ювэнтус-Італія» зь лікам 2:1 у Трыянтэ[5]. Свой першы трафэй, Кубак Кольлі, клюб здабыў у пачатку 1913 году пасьля перамогі над клюбам «Саронна» зь лікам 3:2[6]. У лістападзе таго ж году адбылоса яшчэ адное аб’яднаньне, гэтым разам з клюбам «Ювэнтус». У наступным клюб пачаў прымаць удзел у лігавых матчах, і незважаючы на пачатак Першай сусьветнай вайны, клюб працягнуў свае выступы, прыцягнуўшы да удзелу маладых футбалістаў замест тых, хто апынуўся ў войску. Але з 1915 па 1918 году афіцыйныя турніры ў Італіі былі прыпыненыя[7]. Па вайне «Монца» ўзяла ўдзел у другім дывізіёне, а ў сэзоне 1920—1921 гадоў клюб быў запрошаны ў элітны дывізіён, дзе футбалісты згулялі толькі кваліфікацыйныя матчы. У міжваенны час «Монца» зьмяніла колеры на чырвона-белыя, а таксама аднойчы дасягнула чвэрцьфіналу Кубка Італіі 1938—1939 гадоў, прагуляўшы «Джэноа». Увесь гэты час клюб гуляў у Сэрыі C, то бок трэцім дывізіёне італьянскага футболу.
За часам Другой сусьветнай вайны футбольныя спаборніцтвы на Апэнінах былі прыпыненыя з 1942 па 1945 гады[8]. Вынікі па вайне палепшыліся і «Монца» здолела прабіцца да Сэрыі Б у сэзоне 1950—1951 гадоў. У 1953 годзе яны фінішавалі чацьвертымі, крыху адстаўшы ад месца, якое гарантавала прасоўваньне ў Сэрыю А[5]. У ліпені 1955 году «Монца» аб’ядналася з клюбам «Сымэнталь», галоўным спонсарам якой была аднайменная харчовая кампанія. Клюб атрымаў назву «Сымэнталь-Монца», а ачоліў клюб кіраўнік харчовай кампаніі Кляўдыё Сада[9]. Аб’яднаньне палепшыла фінансавае становішча клюбу, але турнірных посьпех клюб амаль не атрымаў, чаргуючы добрыя сэзоны з дрэннымі. У ліпені 1964 году Сымэнталь адмовіўся ад клюбу, які павярнуў сваю назву «Монца». На сутыку 1960-х і 1970-х клюб меў шанец узвысіцца да элітнага дывізіёну, але пасьля гэтага выляцеў у Сэрыю С. У сярэдзіне 1970-х «Монца» вярнулася ў Сэрыю Б і мела потым шанцы на падвышэньне да Сэрыі А.
Наступныя дывізіёну суправаджалі выступы ў Сэрыі Б і Сэрыі С. У складзе клюбу дэбютавалі Алясандра Кастакурта, Франчэска Антаньёлі і П’ерлюіджы Казырагі, якія ў будучым стануць слыннымі зоркамі італьянскага футболу. У сакавіку 1997 году «Монца» і «Мілян» склалі пагадненьне, паводле якога першы з клюбаў стаўся фарм-клюбам другога[10]. Гэта было першая ўгода такога кшталту ў Італіі[11]. Супраца скончылася ў 1999 годзе, пасьля 19 гадоў прэзыдэнцтва Адрыяна Галіяні, пасьля чаго «Монца» ўвайшла ў час нестабільнасьці. Акрыяньне адбылося ў 2018 годзе, калі клюб набыў палітык Сыльвіё Бэрлюсконі, вядомы праз уладаньне ў мінулым «Мілянам».
Склад[рэдагаваць | рэдагаваць крыніцу]
- Актуальны на 11 лютага 2024 году
|
|
Крыніцы[рэдагаваць | рэдагаваць крыніцу]
- ^ https://www.transfermarkt.com/ac-monza/mitarbeiterhistorie/verein/2919
- ^ «Sport: Foot-Ball». Il Cittadino.
- ^ «Trentanni di attività dell'Associazione Calcio Monza». Il Popolo di Monza.
- ^ Camesasca, Enrico (1962). «Sulla „corte“ in camicia azzurra nasceva 50 anni fa il calcio monzese». La città di Monza.
- ^ а б Rocca і Vegetti 1977. С. 22.
- ^ Rocca і Vegetti 1977. С. 23.
- ^ Sbetti, Nicola (23.03.2020). «Quando il calcio si fermò per la prima volta». l’Ultimo Uomo.
- ^ Rocca і Vegetti 1977. С. 13.
- ^ «È nata l’A.C. Simmenthal-Monza». Il Cittadino.
- ^ «Il Milan 2 esce dai box». La Gazzetta dello Sport.
- ^ «S’interrompe il rapporto Milan e Monza. La società brianzola a tre imprenditori». La Gazzetta dello Sport.
Літаратура[рэдагаваць | рэдагаваць крыніцу]
- Rocca, Lino; Vegetti, Giorgio Bianco su rosso: la storia del calcio monza. — Monza: Officina Grafica Brasca, 1977.
Вонкавыя спасылкі[рэдагаваць | рэдагаваць крыніцу]
- Афіцыйны сайт (італ.) (анг.)