MIDI-гітара

Зьвесткі зь Вікіпэдыі — вольнай энцыкляпэдыі

MIDI-гітара ўяўляе сабою звычайную гітару, на якой усталяваны адмысловы паліфанічны гуказдымальнік (які перадае асобны сыгнал з кожнай струны). Адначасова на гітару ўсталёўваецца невялікі блёк кіраваньня, зь якога можна кіраваць сынтэзатарам; у гэты жа блёк паступае сыгнал са звычайнага выхаду гітары, што дазваляе рэгуляваць балянс паміж гітарным і сынтэзатарным гукам. Пры неабходнасьці прылада можа працаваць як звычайная гітара, як MIDI-гітара або як абедзьве адначасова пры зьмяшэньні двух сыгналаў. З дапамогай гітарнага працэсара для звычайнага аналягавага сыгналу можна дамагчыся зусім дзіўнага гучаньня.

Абодва сыгналы (са звычайных і з поліфанічнага гуказдымальнікаў) перадаюцца з блёка кіраваньня па адным шматжыльным кабелі ў вельмі важную і адказную прыладу — MIDI-канвэртар. Гэты прыбор непасрэдна адказвае за пазнаваньне нот і далейшае ператварэньне іх у MIDI-сыгналы. З-за надзвычайнай складанасьці аналягавага гітарнага сыгналу магчыма ўзьнікненьне розных памылак — няправільнае распазнаньне вышыні тону, «завісаньне» ноты і інш. З-за гэтага пры выкананьні твору на MIDI-гітары патрабуецца ўжываць вызначаную тэхніку гульні — больш акуратную, чым звычайна: нельга глушыць струны рабром далоні правае рукі, нельга рэзка здымаць палец са струны, нельга граць «загасалыя» акорды (бо высокія і нізкія струны маюць розную працягласьць гучаньня). Гэтак жа з-за малой прапускной здольнасьці безнадзейна састарэлага MIDI-інтэрфэйсу, нельга граць «чосавы», акампанэмэнт на ўсіх шасьці струнах — струмень дадзеных не будзе пасьпяваць перадавацца на іншыя прылады.

Непасрэдна з MIDI-канвертара сыгнал паступае на крыніцу гуку — сынтэзатар або сэмплер. Канвэртар і сынтэзатар могуць быць як сумешчанымі ў адным корпусе, так і выкананымі ў выглядзе самастойных прылад.

Наяўнасьць на канвэртары ўваходаў і выхадаў MIDI і дае тую вялізную перавагу, з дапамогай якога становяцца рэальнымі фантастычныя магчымасьці, закладзеныя ў MIDI-гітары.

З дапамогай розных сінтэзатараў і сэмплераў музыка мае доступ практычна да ўсіх гукаў, наяўных цяпер. Гэта можа спатрэбіцца для стварэньня незвычайнага гучаньня электрагітары як на канцэрце, так і на студыі. Для больш натуральнага гучаньня прылады маецца магчымасьць падмешваньня сынтэтычнага сыгналу да сыгнала гітарнага. У такім разе ўзьнікае адчуваньне адначасовай гульні адразу дзьвюх прылад — гітары і сынтэзатара.