Яан Кабай
| Яан Кабай | ||
| ||
| Пэрсанальная інфармацыя | ||
|---|---|---|
| Нарадзіўся | 14 студзеня 1986[1][2][3] (38 гадоў) | |
| Рост | 174 см | |
| Вага | 72 кг | |
| Пазыцыя | паўабаронца | |
| Клюбы | ||
| Гады | Клюб | Гульні (галы)¹ |
| 2004—2011 2011—2014 2014—2015 2015—2018 2018—2019 2019—2020 |
Ліль Ньюкасл Юнайтэд Пары Сэн-Жэрмэн Крыстал Пэлас Аль-Наср Сэнт-Эт’ен |
190 (30) 79 (17) 39 (1) 96 (9) 12 (1) 15 (0) |
| Зборныя | ||
| 2010—2016 | Францыя | 48 (4) |
Яа́н Каба́й (па-француску: Yohan Cabaye; нарадзіўся 14 студзеня 1986 году, Туркуэн, Францыя) — былы францускі футбаліст, які раней выступаў за нацыянальную зборную Францыі на пазыцыі апорнага паўабронцы. Вызначаўся бачаньнем пляцоўкі й кантролем мяча, а таксама тэхнічнымі якасьцямі[4]. Кабай таксама быў вядомы як выканаўца ўдараў з пэнальці[5]. Праз бабулю па бацькоўскай лініі мае віетнамскае паходжаньне[6].
Клюбная кар’ера[рэдагаваць | рэдагаваць крыніцу]
Раньнія гады[рэдагаваць | рэдагаваць крыніцу]
Кабай пачаў гуляць у футбол у пяць гадоў у акадэміі аднайменнага клюбу з роднага гораду Туркуэн. Пасьля сямі гадоў, праведзеных у акадэміі, яго заўважылі ў клюбе «Ліль».
«Ліль»[рэдагаваць | рэдагаваць крыніцу]
Кабай правёў 6 гадоў у моладзевай камандзе клюбу, пасьля чаго адбыўся ягоны дэбют у прафэсійным футболе ў сэзоне 2004—2005 гадоў. У гэтым жа сэзоне гулец дапамог заваяваць сваёй камандзе Кубак Інтэртота. У наступным сэзоне Кабай стаў гульцом стартавага складу і ўпершыню прыняў удзел у Лізе чэмпіёнаў пад кіраўніцтвам Клёда Пюэля. Рудзі Гарсія, які прыйшоў на зьмену Пюэлю, паставіў Кабая на месца плэймэйкеру. Менавіта на гэтай пазыцыі гулец раскрыўся зь лепшага боку. Самым пасьпяховым для Кабая стаў сэзон 2009—2010 гадоў, у якім футбаліст забіў 15 мячоў, гуляючы на пазыцыі паўабаронцы. У сэзоне 2010—2011 гадоў Кабай дапамог «Лілю» перамагчы ў Лізе 1 і Кубку краіны.
«Ньюкасл Юнайтэд»[рэдагаваць | рэдагаваць крыніцу]
У чэрвені 2011 году Кабай падпісаў пяцігадовы кантракт з клюбам ангельскай Прэм’ер-лігі «Ньюкасл Юнайтэд». Першы гол у складзе «сарок» забіў у матчы 9-га туру чэмпіянату Ангельшчыны сэзону 2011—2012 гадоў супраць клюбу «Ўіган Атлетык», прынёсшы перамогу сваёй камандзе зь лікам 1:0. Праз чатыры дні ён забіў свой другі гол за клюб ў матчы супраць «Блэкбэрн Ровэрз», але каманда трывала паразу зь лікам 4:3 у рамках матчу на Кубак Футбольнае лігі[7]. 17 сьнежня ў матчы супраць «Сўонсі Сіці», які скончыўся зь лікам 0:0, Кабай прабег больш за ўсіх гульцоў «сарок» дыстанцыі за матч у сэзоне, пераадолеўшы больш за 11,6 кілямэтру[8]. Праз два тыдні Яан забіў трэці гол, на гэты раз у браму «Манчэстэр Юнайтэд» пасьля ўдару са штрафнога ўдару з 27 мэтраў, у пераможнай гульні зь лікам 3:0[9]. У новым сэзоне Кабай таксама пачаў забіваць, але ў лістападзе Яан атрымаў траўму й высьветлілася, што гульцу патрэбна апэрацыя на пахвіну, і што ён будзе па-за гульнёй да лютага 2013 году. Не зважаючы на такія прагнозы ўжо ў студзені Яан вярнуўся на пляцоўку, і забіў гол «Рэдынгу» ў матчы 19 студзеня са стандарту, што, аднак, ня выратавала клюб ад паразы. 2 сакавіка 2013 году Кабай упершыню атрымаў капітанскую повязь, замяніўшы траўмаванага капітана Фабрыцыюса Калячыні. Напачатку сэзону 2013—2014 гадоў Кабая намагаўся прыцягнуць да сваіх шэрагаў «Арсэнал», аднак трансфэр за 10 млн фунтаў быў «Ньюкаслам» адхілены[10]. 7 сьнежня 2013 году Яан упісаў свай імя ў гісторыю клюбу, забіўшы адзіны й пераможны мяч у браму «Манчэстэр Юнайтэд» на «Олд Трафард», такім чынам «сарокі» атрымалі першую перамогу над гаспадарамі пляцоўкі на «Олд Трафард» за 41 год.
«Пары Сэн-Жэрмэн»[рэдагаваць | рэдагаваць крыніцу]
29 студзеня 2014 году «Пары Сэн-Жэрмэн» абвесьціў пра падпісаньне Кабая за неназваную суму, якая ацэньваецца прыкладна ў 19 млн фунтаў, да якіх можна дадаць бонусы[11]. Яан падпісаў 3,5-гадовы кантракт з клюбам, дзе абраў для сябе кашулю з нумарам 4[12].
Кар’ера ў зборнай[рэдагаваць | рэдагаваць крыніцу]
Дэбютаваў у складзе зборнай Францыі 5 жніўня 2010 году ў таварыскай гульні супраць зборнай Нарвэгіі, дзе выйшаў на замену Яану М’Віля. Ён быў выкліканы ў зборную ў верасьні таго ж году, дзеля ўдзелу ў кваліфікацыйных матчах да чэмпіянату Эўропы 2012 году супраць зборных Беларусі й Босьніі і Герцагавіны, аднак, у апошні момант не паехаў з камандай да гульняў з прычыны траўмы[13]. Першы гол за нацыянальную каманду забіў 15 чэрвеня 2012 году ў матчы ў рамках чэмпіянату Эўропы 2012 году ў браму зборнай Украіны[14].
Дасягненьні[рэдагаваць | рэдагаваць крыніцу]
«Ліль»:
- Чэмпіён Францыі: 2011
- Уладальнік Кубка Францыі: 2011
«Пары Сэн-Жэрмэн»:
- Чэмпіён Францыі (2): 2014, 2015
- Уладальнік Кубка Францыі: 2015
- Уладальнік Кубка францускае лігі (2): 2014, 2015
Крыніцы[рэдагаваць | рэдагаваць крыніцу]
- ^ а б в Yohan Cabaye // Transfermarkt (мн.) — 2000.
- ^ а б в YOHAN CABAYE // Argentine Soccer Database (гішп.)
- ^ а б в Yohan Cabaye // As (гішп.) — Madrid: Grupo Prisa, 1967. — ISSN 1888-6671
- ^ The Blaugrana of the North(недаступная спасылка). ESPN.
- ^ Yohan Cabaye, spécialiste des penalties?. Hourrafoot.
- ^ Cầu thủ gốc Việt đầu quân cho Manchester United. 2Sao.
- ^ Blackburn's Gaël Givet heads home in extra time to break Newcastle. Guardian Media Group.
- ^ Yohan Cabaye clocks up miles for NUFC. Chronicle Live
- ^ Cab for Fergie! Wonder strikes by Cabaye and Ba bury toothless United. Daily Mail.
- ^ Yohan Cabaye: Arsenal in £10m bid to sign Newcastle midfielder. BBC Sport.
- ^ Cabaye joins Paris Saint-Germain from Newcastle. Goal.com.
- ^ Cabaye joins Paris Saint-Germain from Newcastle. Goal.com.
- ^ Cabaye forfait, Matuidi en renfort. French Football Federation
- ^ After Rain Delay, France Shuts Out Ukraine. New York Times.
Вонкавыя спасылкі[рэдагаваць | рэдагаваць крыніцу]
- Профіль на афіцыйным сайце «Ліля»
- Профіль на UEFA.com
- Профіль на L'Équipe Football
- Профіль на Transfermarkt