Хіросі Асіма

Зьвесткі зь Вікіпэдыі — вольнай энцыкляпэдыі
Вікіпэдыя мае артыкулы пра іншых асобаў з прозьвішчам Асіма.
Хіросі Асіма
Дата нараджэньня 19 красавіка 1886(1886-04-19)[1]
Месца нараджэньня
Дата сьмерці 6 чэрвеня 1975(1975-06-06)[1] (89 гадоў)
Месца сьмерці
Занятак дыплямат, вайсковец, палітык
Узнагароды
ордэн Узыходнага сонца 1 ступені (да 2003 года)
Подпіс Выява аўтографу

Хіро́сі Асі́ма (па-японску: 大島 浩; 19 красавіка 1886 — 6 чэрвеня 1975) — барон, генэрал Імпэратарскай арміі Японіі, амбасадар Японіі ў нацысцкай Нямеччыне падчас Другой сусьветнай вайны.

Па сваіх поглядах германафіл, аднак займаў асьцярожную пазыцыю ў пытаньні ўступленьня Японіі ў вайну з СССР; лічыў, што баявыя дзеяньні на некалькіх франтох — супраць ЗША і супраць СССР — непрымальныя. Ягоная гістарычная роля па выразе генэрала Джорджа Маршала — «наша галоўная крыніца інфармацыі пра намеры Гітлера ў Эўропе». Пры гэтым сам амбасадар і не падазраваў пра гэта да самага заканчэньня вайны. 4 жніўня 1941 году на запрашэньне Адольфа Гітлера прыляцеў у Барысаў. На нарадзе камандаваньня групы арміяў «Цэнтар» у Старабарысаве заявіў Гітлеру пра ўстрыманьне ўраду Японіі ад адкрыцьця 2-га фронту супраць СССР[2].

Быў асуджаны да пажыцьцёвага зьняволеньня як ваенны злачынец на Такійскім працэсе ў лістападзе 1948 року. Памілаваны ў 1955[3].

Крыніцы[рэдагаваць | рэдагаваць крыніцу]

  1. ^ а б Hiroshi Oshima // TracesOfWar
  2. ^ Натальля Голубева. «Чорны корпус» генэрала Пятроўскага // Зьвязда : газэта. — 18 лютага 2021. — № 32 (29401). — С. 2021. — ISSN 1990-763x.
  3. ^ ОСИМА Хироси // Япония от А до Я. Популярная иллюстрированная энциклопедия. (CD-ROM). — М.: Directmedia Publishing, «Япония сегодня», 2008. — ISBN 978-5-94865-190-3

Вонкавыя спасылкі[рэдагаваць | рэдагаваць крыніцу]

Хіросі Асімасховішча мультымэдыйных матэрыялаў