Філіп Джорджавіч
| Філіп Джорджавіч | ||
| ||
| Пэрсанальная інфармацыя | ||
|---|---|---|
| Нарадзіўся | 28 верасьня 1987[1][2][3] (36 гадоў) | |
| Рост | 186 см | |
| Вага | 80 кг | |
| Пазыцыя | нападнік | |
| Клюбы | ||
| Гады | Клюб | Гульні (галы)¹ |
| 2005—2008 2006—2007 2008—2014 2014—2018 2018—2021 |
Црвена Зьвезда → Рад (арэнда) Нант Ляцыё К’ева |
7 (0) 35 (16) 181 (59) 68 (11) 73 (15) |
| Зборныя | ||
| 2012—2014 | Сэрбія | 14 (4) |
Філіп Джорджавіч (па-сэрбску: Филип Ђорђевић / Filip Đorđević; нарадзіўся 28 верасьня 1987 году) — былы сэрбскі футбольны нападнік.
Кар’ера[рэдагаваць | рэдагаваць крыніцу]
Клюбная[рэдагаваць | рэдагаваць крыніцу]
Філіп пачаў кар’еру ў сэрбскім клюбе «Црвена Зьвезда», у якім правёў 8 гадоў зь невялікім перапынкам на арэнду ў «Радзе». Аднак згуляў у складзе «Црвенай Зьвезды» ён толькі ў 8 гульнях чэмпіянату.
Перш чым заключыць кантракт з францускім «Нантам», ён выступаў у ім у арэндзе і па выніках сэзону 2007—2008 рокаў дапамог клюбу перайсьці ў найвышэйшы дывізіён, пасьля чаго клюб падпісаў зь ім чатырохгадовую ўгоду[4]. У Лізе 1 2008—2009 Джорджавіч згуляў 19 матчаў і забіў 2 мячы, а «Нант» вярнуўся ў Лігу 2. Пасьля аднаго няўдалага сэзону Джорджавіч у сэзоне 2010—2011 правёў 36 матчаў, у якіх забіў 12 галоў, а ў наступным шэсьць галоў у 28 матчах.
Урэшце, у сэзоне 2012—2013 Джорджавіч дапамог «Нанту» вярнуцца ў Лігу 1, забіўшы 20 галоў у 34 гульнях і стаўшы найлепшым бамбардырам чэмпіянату. Па вяртаньні ў найвышэйшы дывізіён Філіп забіў у першых 12 матчах 7 галоў, спаборнічаючы за першае месца ў сьпісе бамбардыраў з Радамэлем Фалькао і Златанам Ібрагімавічам. 19 сакавіка 2014 абвясьціў пра папярэднюю дамоўленасьць з клюбам Сэрыі А «Ляцыё Рым»[5], у які перайшоў 1 ліпеня 2014 па сканчэньні кантракту з «Нантам»[6]. Першыя галы за «Ляцыё» ён забіў 29 верасьня 2014, адразу адзначыўшыся хет-трыкам у перамозе 4:0 над «Палерма».
Міжнародная[рэдагаваць | рэдагаваць крыніцу]
14 лістапада 2012 году дэбютаваў у складзе зборнай Сэрбіі ў таварыскім матчы супраць зборнай Чылі.
Узнагароды[рэдагаваць | рэдагаваць крыніцу]
«Црвена Зьвезда»:
- Чэмпіён Сэрбіі і Чарнагорыі: 2006, 2007[7]
- Уладальнік Кубка Сэрбіі: 2007[7]
«Нант»:
Крыніцы[рэдагаваць | рэдагаваць крыніцу]
- ^ а б в Filip Djordjevic // Transfermarkt (мн.) — 2000.
- ^ а б в FILIP DJORDJEVIC // Argentine Soccer Database (гішп.)
- ^ а б в Filip Djordjevic // As (гішп.) — Madrid: Grupo Prisa, 1967. — ISSN 1888-6671
- ^ Nantes : Djordjevic signe quatre ans
- ^ Djordjevic signs with Lazio (фр.) L'Equipe Праверана 29 верасьня 2014 г.
- ^ Serie A: Djordjevic set to join Lazio Sky Sports Праверана 29 верасьня 2014 г.
- ^ а б в Serbia - F. Đorđević Soccerway Праверана 29 верасьня 2014 г.
Вонкавыя спасылкі[рэдагаваць | рэдагаваць крыніцу]
- Профіль (анг.) на National Football Teams
- Reprezentacija.rs
- Профіль (фр.) на LFP