Уладзімер Марзон

Зьвесткі зь Вікіпэдыі — вольнай энцыкляпэдыі
Уладзімер Марзон
Дата нараджэньня 19 лістапада 1881(1881-11-19)
Месца нараджэньня
Дата сьмерці 6 верасьня 1954(1954-09-06) (72 гады)
Месца сьмерці
Месца пахаваньня
Месца вучобы
Занятак хірург, вайсковы лекар, мэдыцынскі адміністратар, галоўны лекар, лекар
Месца працы
Навуковая ступень кандыдат мэдычных навук[d]
Узнагароды
ордэн Леніна ордэн Працоўнага Чырвонага Сьцяга СССР
Заслужаны дзяяч навукі БССР Заслужаны лекар Беларускай ССР

Уладзі́мер Во́сіпавіч Марзо́н (19 лістапада [ст. ст. 7 лістапада] 1881, м. Заслаўе, Менскі павет — 6 верасьня 1954) — беларускі хірург.

У 1904 г. скончыў духоўную сэмінарыю. У 1905 годзе паступіў ва ўнівэрсытэт г. Санкт-Пецярбургу. Скончыў Юр’еўскі ўнівэрсытэт у 1911 годзе. Працаваў земскім лекарам Бабруйскага павету, хірургам Глускае ўчастковае бальніцы (1911—1913), хірургам Бабруйскае і іншых бальніц Менскае губэрні (1913—1915). Служыў ваенным хірургам (1915—1917), хірургам, загадчыкам хірургічнага аддзяленьня, загадчыкам Бабруйскае гарадзкое бальніцы (1917—1934). Кандыдат мэдычных навук, прафэсар (1935). Загадчык катэдры хірургіі і кансультант Магілёўскае абласное бальніцы (1934—1935). Загадчык катэдры апэратыўнае хірургіі Віцебскага мэдычнага інстытуту (1935—1941). Удзельнік нямецка-савецкай вайны. Супрацоўнік упраўленьняў Міністэрства аховы здароўя БССР (1943—1949), галоўны лекар бальніцы лекарска-санітарнага ўпраўленьня Міністэрства аховы здароўя БССР (1947—1949). Загадчык катэдры хірургіі (1947—1949), дырэктар (1949—1953) Беларускага інстытуту ўдасканаленьня лекараў.

Навуковыя працы прысьвечаныя дыягностыцы й эпідэміялёгіі хірургічных захворваньняў брушное поласьці, удасканаленьню апэратыўных мэтадаў лячэньня гінэкалягічных і ўралягічных хваробаў.

Заслужаны дзеяч навукі БССР (1938). Заслужаны лекар БССР (1948).

Імя У.Марзона ўвекавечана бабруйчанамі — буйнейшая больніца горада Бабруйска вядома месьцічам амаль выключна як Марзонаўка, хаця афіцыйна не мае імя У.Марзона.

Вонкавыя спасылкі[рэдагаваць | рэдагаваць крыніцу]