Патрык Сўэйзі
Патрык Ўэйн Сўэйзі | |
| Patrick Swayze | |
 | |
| Імя пры нараджэньні | Patrick Wayne Swayze |
|---|---|
| Дата нараджэньня | 18 жніўня 1952 |
| Месца нараджэньня | Г’юстан, ЗША |
| Дата сьмерці | 14 верасьня 2009 |
| Месца сьмерці | Лос-Анджэлес, ЗША |
| Прычына сьмерці | рак падстраўнікавай залозы[d] |
| Грамадзянства | ЗША |
| Месца вучобы | |
| Занятак | актор, танцор, харэограф |
| Гады дзейнасьці | 1979—2009 |
| Бацька | Jesse Wayne Swayze[d][1] |
| Маці | Patsy Swayze[d] |
| Узнагароды | |
| IMDb | ID nm0000664 |
Патрык Ўэйн Сўэйзі (па-ангельску: Patrick Wayne Swayze; 18 жніўня 1952, Г’юстан — 14 верасьня 2009, Лос-Анджэлес) — амэрыканскі актор, танцор, сьпявак і харэограф.
Біяграфія[рэдагаваць | рэдагаваць крыніцу]
Патрык быў старэйшым зь пяці дзяцей у сям’і інжынэра Джэсі Сўэйзі і танцоркі Пэтсі Сўэйзі[2]. Акрамя яго ў сям’і былі яшчэ два хлопчыкі: Дон (нар. 10 жніўня 1958 году) і Шон Кэлі (нар. 13 кастрычніка 1962 году) і дзьве дзяўчынкі: Бэмбі і Вікі.
Патрык вучыўся ў школе «Блэк Мідл» у Оўк Форэст у штаце Ілінойс, а потым у каталіцкай школе ў Г’юстане. Бацька лічыў, што Патрык павінен быць спартоўцам, аднак футбольная кар’ера перарвалася траўмай калена, якая была вельмі складанай і пагражала нават ампутацыяй нагі. Пасьля сэрыі некалькіх складаных апэрацыяў, Патрык вучыўся зноў хадзіць.
Танцы сталі адным з кампанэнтаў рэабілітацыі. Патрык вучыўся танцам у Houston Jazz Ballet Company, Harkness Ballet Theater School, Joffrey Ballet School у Нью Ёрку і Eliot Feld Ballet Company. У васемнаццацігадовым узросьце, Патрык упершыню выступіў на сцэне ў спэктаклі «Disneyland on Parade». Хутка ён стаў прафэсійным танцорам, вандраваў па краіне зь вядомым балетным калектывам Buffalo Ballet Company. У 1975 годзе Патрык Сўэйзі выступіў на сцэне ў адным з брадўэйскіх тэатраў, а потым у мюзікле West Side Story.
12 чэрвеня 1975 году Патрык Сўэйзі ажаніўся з танцоркай і вучаніцай сваёй маці Лізай Ніемі[3].
Упершыню Патрык Сўэйзі зьявіўся на кінаэкране ў камэдыі «Skatetown, U.S.A» ў 1979 годзе, дзе яго ўбачыў Фрэнсіс Форд Копала, які запрасіў Сўэйзі ў свой фільм «The Outsiders» (1983), у якім гралі, таксама, Мэт Дылан, Сафія Копала, Роб Люі, Том Круз, Даян Лэйн і Том Ўэйтс[4]. Пасьля гэтага Патрыка Сўэйзі пачалі запрашаць да ўдзелу ў розных фільмах і сэрыялах.
Міжнародную вядомасьць Патрык Сўэйзі атрымаў пасьля таго як ён сыграў арыстакрата Оры Мэйна ў міні-сэрыяле North and South у 1985 годзе і яго другой частцы North and South, Book II у 1986 годзе. Пасьля гэтага была пасьпяховая роля ў спартовай мэлядраме «Янгблад» (1986). Пасьля ролі інструктара танцаў у фільме «Брудныя танцы» (1987), Патрык Суэйзі быў намінаваны на ўзнагароду Залаты Глобус. Аднак за ролю паліцэйскага з горнага паселішча, які вядзе прыватнае дасьледаваньне забойства малодшага брата ў Чыкага ў фільме Next of Kin (1989) і галоўную ролю ў фільме Road House (1989), ён быў намінаваны на ўзнагароду Залатая Маліна як самы благі актор.
Роля ў камэдыйнай мэлядраме «Ghost» (1990), у якой гралі Дэмі Мур і Ўупі Голдбэрг, прынесла яму новую намінацыю на «Залаты Глобус» і ўзнагароду «Сатурна».
У 2008 годзе ў Патрыка Сўэйзі былі знойдзены цяжкаапэрабельныя новаўтварэньні ў падстраўнікавай залозе. У траўні 2008 году была праведзеная апэрацыя, пад час якой была выдаленая частка страўніка, якую паразіў рак. 9 студзеня 2009 году актор быў шпіталізаваны з дыягназам «запаленьне лёгкіх». 16 студзеня Патрык Сўэйзі быў выпісаны. 19 красавіка было абвешчана што мэтастазы ў Суэйзі перайшлі ў печань[5].
Патрык Сўэйзі памёр 14 верасьня 2009 году ў Лос-Анджэлесе.
Крыніцы[рэдагаваць | рэдагаваць крыніцу]
- ^ Pas L. v. Genealogics (анг.) — 2003.
- ^ Біяграфія Патрыка Сўэйзі
- ^ Аб шлюбе Патрыка Сўэйзі і Лізы Ніемі на www.associatedcontent.com(недаступная спасылка)
- ^ The Outsiders на www.imdb.com(недаступная спасылка)
- ^ Patrick Swayze Dies of Pancreatic Cancer at 57
Вонкавыя спасылкі[рэдагаваць | рэдагаваць крыніцу]
Патрык Сўэйзі — сховішча мультымэдыйных матэрыялаў