Оргускі ўнівэрсытэт

Зьвесткі зь Вікіпэдыі — вольнай энцыкляпэдыі
Оргускі ўнівэрсытэт
Aarhus Universitet
па-лацінску: Universitas Aarhusiensis
Дэвіз 'Solidum petit in profundis (Latin)
Заснаваны 1928
Тып грамадзкі
Велічыня фонду DKK 6.347 мільярды ($1.124 мільярды) (2013)[1]
Рэктар Brian Bech Nielsen
Факультэтаў 4
Колькасьць пэрсаналу
Колькасьць студэнтаў 44 500 [1]
Колькасьць асьпірантаў 1 500
Месцазнаходжаньне
Горад Оргус
Краіна Данія
Знаходзіцца ў складзе Асацыяцыя эўрапейскіх унівэрсытэтаў[d][3], Утрэхцкая сетка[d], Куімбрская група[d], Guild of European Research-Intensive Universities[d][4] і Universities Denmark[d]
Вэб-сайт www.au.dk

Оргускі ўнівэрсытэт — найбуйнейшы ў Даніі паводле колькасьці студэнтаў унівэрсытэт.[5] Знаходзіцца ў другім па памерах горадзе краіны Оргусе.

Сусьветныя рэйтынгі ў апошнія гады называюць унівэрсытэт сярод 150 лепшых у сьвеце. Асабліва вядомая яго бізнэс-школа (BSS). Два прафэсары ўнівэрсытэту атрымалі Нобэлеўскія прэміі ў галінах хіміі, а таксама эканомікі.

Гісторыя[рэдагаваць | рэдагаваць крыніцу]

Унівэрсытэт быў заснаваны ў 1928 годзе. Першыя курсы чыталіся ў дысцыплінах філязофіі і лінгвістыкі.

У час Другой сусьветнай вайны ў адным з будынкаў унівэрсытэту знаходзілася Гестапа. Праз гэта ўнівэрсытэт быў бамбаваны ў 1944.

У 2012 Оргуская школа інжынэрыі была аб’яднаная з Оргускім ўнівэрсытэтам. Гэта ператварыла Оргускі ўнівэрсытэт у буйнейшую навучальную ўстанову Даніі.

Вядомыя выпускнікі[рэдагаваць | рэдагаваць крыніцу]

Оргускі ўнівэрсытэт вядомы некалькімі Нобэлеўскімі ляўрэатамі. Гэтак Енс Крысьціан Скоў (Jens Christian Skou) атрымаў Нобэлеўскую прэмію ў галіне хіміі ў 1997 годзе. Дэйл Мортэнсэн (Dale T. Mortensen), які меў часовую пасаду прафэсара ўнівэрсытэту, атрымаў Нобэлеўскую прэмію па эканоміцы ў 2010 годзе.

Андэрс Фог Расмусэн, былы генэральны сакратар НАТО і прэм'ер-міністар Даніі атрымаў ступень майстра Оргускага ўнівэрсытэту.

Таксама ўнівэрсытэт скончылі каралева Даніі Маргрэт і прынц Фрэдрык, спадкаемца Дацкага трону.

Студэнцкае жыцьцё[рэдагаваць | рэдагаваць крыніцу]

Галоўная падзея студэнцкага жыцьця Оргускага ўнівэрсытэту — Рэгата альбо Kapsejladsen. Гэта вялікая студэнцкая імпрэза, якая прыцягвае болей за 20 000 чалавек адбываецца ўвесну і зьяўляецца буйнейшай падобнай студэнцкай вечарынай у Паўночнай Эўропе.[6] У час Рэгаты таксама праходзяць голыя забегі вакол унівэрсытэцкага возера, у якіх студэнты і студэнткі спаборнічаюць за права прадстаўляць унівэрсытэт у час галоўнага голага забегу Даніі на фэстывалі Roskilde.

Штотыдзень у час сэмэстраў на розных факультэтах і катэдрах адбываюцца "Пятнічныя бары". Гэта падзея дазваляе студэнтам зьбірацца ва ўнівэрсытэце і піць алькагольныя напоі, звычайна піва, і сацыялізавацца. Пятнічны бар — традыцыя многіх дацкіх інстытуцый.

Крыніцы[рэдагаваць | рэдагаваць крыніцу]

  1. ^ а б Aarhus University Budget 2013
  2. ^ http://www.au.dk/om/profil/au-i-tal/noegletal-om-personale/
  3. ^ https://eua.eu/about/member-directory.html
  4. ^ https://www.the-guild.eu/members/
  5. ^ Top Universities. Country guides. Study in Denmark (англ.) Дата прагляду: 12.03.2016.
  6. ^ Алесь Герасіменка. П’яныя, голыя і шчаслівыя. Хто сапраўды п’е болей за ўсіх у свеце? Generation.by Дата прагляду: 12.03.2016.