Міхась Міцкевіч

Міхась Міцкевіч
	Міхась Міцкевіч
Род дзейнасьці	грамадзка-культурны, рэлігійны і сьвецкі дзяяч
Дата нараджэньня	13 ліпеня 1897
Месца нараджэньня	в. Мікалаеўшчына Стаўпецкага павету
Дата сьмерці	25 кастрычніка 1991
Месца сьмерці	Нью-Ёрк
Месца пахаваньня	Беларускія могілкі ў Іст-Брансўіку;
Месца вучобы	Нясьвіская настаўніцкая сэмінарыя[d] (1917);
Занятак	перакладнік, пісьменьнік, публіцыст, пэдагог, грамадзкі дзяяч, культурніцкі дзяяч, клірык
Месца працы	Беларус; Голас царквы (1955)[d];
Бацька	Міхась Міцкевіч
Маці	Ганна Юр'еўна Міцкевіч

Вікіпэдыя мае артыкулы пра іншых асобаў з прозьвішчам Міцкевіч.

Міха́сь Міха́йлавіч Міцке́віч (псэўд. Антон Галіна; 13 ліпеня 1897, в. Мікалаеўшчына Стаўпецкага павету — 25 кастрычніка 1991, Нью-Ёрк) — беларускі грамадзка-культурны, рэлігійны і сьвецкі дзяяч. Малодшы брат Якуба Коласа.

У 1910-х гадох — удзельнік беларускага нацыянальнага руху, дэлегат Першага Ўсебеларускага кангрэсу. Пачаў пісаць у 1917—1918 гадах, але друкаваўся нячаста. Зрэшты, нават нешматлікіх публікацыяў было дастаткова, каб яго прыкмецілі Максім Багдановіч і Максім Гарэцкі. У 1919—1920 гады выкладаў беларускую мову ў Менскай беларускай гімназіі. У 1920—30-х гады настаўнічаў. Стаяў на антыкамуністычных пазыцыях, у 1930 годзе беспасьпяхова балатаваўся ў польскі сойм па выбарчым сьпісе Цэнтральнага саюзу беларускіх культурна-асьветных арганізацыяў і інстытуцыяў у Наваградзкай выбарчай акрузе. У 1939—1941 гадах працаваў дырэктарам школы ў Мікалаеўшчыне. Падчас нямецкай акупацыі працаваў інспэктарам беларускіх школаў на Стаўпецкі раён. Зь лета 1944 году — на эміграцыі. Жыў у лягерох для перамешчаных асобаў, настаўнічаў, выпусьціў чатыры чытанкі для дзяцей.

З 1950 году — у ЗША. Актыўны дзяяч Беларускай аўтакефальнай праваслаўнай царквы, сябра парафіяльнае Рады Катэдральнага Сабору імя Сьвятога Кірылы Тураўскага ў Нью-Ёрку. Некалькі гадоў быў рэдактарам газэты «Беларус» і каля 15 гадоў — часапісу «Голас Царквы». Займаўся перакладам літургічных тэкстаў з царкоўнаславянскай на беларускую мову.

Пахаваны на беларускіх могілках у Іст-Брансўіку ў штаце Нью-Джэрзі (ЗША)^[1].

Літаратура[рэдагаваць | рэдагаваць крыніцу]

Пранчак Л. Беларуская Амерыка. — Мінск: «Полымя», 1994. — С. 398—399.
Юрэвіч Л. Літаратурны рух на эміграцыі. — Менск: «БГА», 2002.

Крыніцы[рэдагаваць | рэдагаваць крыніцу]

^ Верны сын Святой Бацькаўшчыны — Міхась Міцкевіч (Антось Галіна)

Вонкавыя спасылкі[рэдагаваць | рэдагаваць крыніцу]

[1] Верны сын Святой Бацькаўшчыны — Міхась Міцкевіч (Антось Галіна)

[1]