Мары-Луіз Калейра Прэка

	Мары-Луіз Калейра Прэка
9-ы прэзыдэнт Мальты
	4 красавіка 2014 — 4 красавіка 2019
Прэм’ер-міністар:	Джозэф Мускат
Папярэднік:	Джордж Абэла
Наступнік:	Джордж Вэла
Асабістыя зьвесткі
Нарадзілася:	7 сьнежня 1958 (65 гадоў); Кормі, Мальта
Партыя:	Лейбарысцкая партыя
Сужэнец:	Эдґар Прэка
Дзеці:	1
Адукацыя:	Мальтыйскі унівэрсытэт
Узнагароды:
	Мары-Луіз Калейра Прэка ў Вікісховішчы

Мары-Луіз Калейра Прэка (па-ангельску: Marie-Louise Coleiro Preca; нарадзілася 7 сьнежня 1958 году, Кормі, брытанская калёнія Мальта) — мальтыйская палітыкіня-лейбарыстка, прэзыдэнтка Мальты (2014—2019)^[1].

Біяґрафія[рэдагаваць | рэдагаваць крыніцу]

Мары-Луіз Калейра Прэка нарадзілася ў цэнтры вострава Мальта (тады яшчэ брытанскай калёніі) у горадзе Кормі ў канцы 1958 году. Скончыла Мальтыйскі унівэрсытэт.

Стала першай жанчынай, якая ўзначаліла мальтыйскую партыю, калі ў 1982—1991 гадах займала пасады ґенэральнага сакратара. Акрамя гэтага, яна ў розны час займала пасады члена нацыянальнага бюро сацыялістычнай моладзі, старшыні жаночага аддзела партыі (1996—2001) і выдаўца партыйнай ґазэты «Il-Ħelsien».

З 1998 году абіраецца ў Парлямэнт Мальты ад Лейбарысцкай партыі Мальты. У сакавіку 2013 году ўвайшла ва ўрад Джозэфа Муската як міністар па справах сям’і і сацыяльнай салідарнасьці. У пачатку сакавіка 2014 году прэм’ер-міністар краіны рэкамэндаваў яе на пасаду прэзыдэнта Мальты, і неўзабаве яна была зацьверджана ў гэтай пасады^[2]. 4 красавіка Мары-Луіз Калейра Прэка заступіла на пасаду прэзыдэнта.

Дадатковыя зьвесткі[рэдагаваць | рэдагаваць крыніцу]

Мары-Луіз Калейра Прэка апынулася другой жанчынай прэзыдэнтам Мальты пасьля Аґаты Барбары^[3].
Мары-Луіз Калейра Прэка зьяўляецца самым маладым прэзыдэнтам Мальты^[1].