МКГСС

Зьвесткі зь Вікіпэдыі — вольнай энцыкляпэдыі

МКГСС — сыстэма адзінак вымярэньня, у якой асноўнымі адзінкамі зьяўляюцца мэтар, кіляграм-сіла і сэкунда; яе завуць таксама тэхнічнай сыстэмай адзінак. МКГСС аформілася ў сярэдзіне XIX стагодзьдзя; у цяперашні час не выкарыстоўваецца.

У сыстэме МКГСС адзінка масы была вытворнай адзінкай — яна вызначалася як маса, якой сіла ў 1 кгс перадае паскарэньне 1 м/с². Яна звалася «тэхнічная адзінка масы» (пазначаецца т. а. м.) або «інэрта» і складала 9,80665 кг. Такая адзінка была вельмі нязвыклай, таму ўсюды, дзе можна, замест масы пісалі вага (напрыклад, замест шчыльнасьці выкарысталі ўдзельная вага, якая вымяралася ў кгс/м³).

Адным з вынікаў выкарыстаньня вагі замест масы стала тое, што ў ракетнай тэхніцы ўдзельны імпульс традыцыйна вымяраюць у сэкундах, разумеючы яго як імпульс на адзінку вагі паліва. Калі жа пад удзельным імпульсам разумець імпульс на адзінку масы, то ён будзе вымярацца ў мэтрах у сэкунду і будзе роўны хуткасьці заканчэньня газу з ракетных рухавікоў.