Літаратурны музэй Максіма Багдановіча

Зьвесткі зь Вікіпэдыі — вольнай энцыкляпэдыі
Літаратурны музэй Максіма Багдановіча
Месцазнаходжаньне МенскБеларусь
Адрас вул. М. Багдановіча, д. 7а.
Велічыня калекцыі 16 946
Плошча экспазыцыі 140 кв.м
Створаны 19 верасьня 1980 г.
Геаграфічныя каардынаты 53°54′29″ пн. ш. 27°33′21.91″ у. д. / 53.90806° пн. ш. 27.5560861° у. д. / 53.90806; 27.5560861Каардынаты: 53°54′29″ пн. ш. 27°33′21.91″ у. д. / 53.90806° пн. ш. 27.5560861° у. д. / 53.90806; 27.5560861
Літаратурны музэй Максіма Багдановіча на мапе Беларусі ±
Літаратурны музэй Максіма Багдановіча
Літаратурны музэй Максіма Багдановіча
Літаратурны музэй Максіма Багдановіча
Літаратурны музэй Максіма Багдановіча
Літаратурны музэй Максіма Багдановіча
Літаратурны музэй Максіма Багдановіча
bagdanovich.museum.by

Літарату́рны музэ́й Максі́ма Багдано́віча — музэй, прысьвечаны жыцьцю і творчасьці клясыка беларускай літаратуры Максіма Багдановіча, месьціцца ў двухпавярховым будынку №7а па вул. М. Багдановіча ў Траецкім прадмесьці. Недалёка ад гэтага месца знаходзіўся дом (не захаваўся), у якім нарадзіўся клясык беларускі літаратуры Максім Багдановіч.

Пастанова аб стварэньні Літаратурнага музэю Максіма Багдановіча прынятая 19 верасьня 1980 году. Створаны 1 красавіка 1981 году, адкрыты для наведвальнікаў 8 сьнежня 1991 году да 100-годзьдзя з дня нараджэньня Максіма Багдановіча. У доме, які пазбаўлены мэмарыяльнасьці, з дапамогай экспанатаў і мастацкіх прыёмаў, узноўлены непаўторны паэтычны сьвет паэта і яго жыцьцёвы шлях[1].

Мастацкае афармленьне экспазыцыі стылізаванае пад характэрны для мастацтва канца XIX — пачатку XX стагодзьдзя мадэрн. Яго элемэнты прысутнічаюць у афармленьні столі, экспазыцыйных нішаў, вітражоў, у складаным плястычным малюнку твораў з саломкі[2].

Кожная зь пяці заляў экспазыцыі адлюстроўвае пэўны пэрыяд жыцьця паэта, так першая экспазыцыйная заля знаёміць з тэмай дзяцінства і раньняй юнацкасьці пісьменьніка, матэрыялы другой залі адлюстроўваюць працэс станаўленьня творчай індывідуальнасьці, трэцяя заля экспазыцыі прысьвечаная тэме росквіту творчага таленту М. Багдановіча, апошняя заля «Мадоны» — адрозьніваецца ад іншых заляў экспазыцыі сваім афармленьнем і ўвядзеньнем адмысловых прыёмаў падачы экспанатаў[3].

На пачатак 2006 году ў фондах Літаратурнага музэю М. Багдановіча знаходзілася каля 16 946 адзінак захоўваньня музэйных прадметаў асноўнага і навукова-дапаможнага фондаў.

Літаратура[рэдагаваць | рэдагаваць крыніцу]

  • Багдановіча Максіма літаратурны музей / / Энцыклапедыя гісторыі Беларусі. — Мн., 1993. — Т. 1. — С. 272—273.
  • Архіўныя матэрыялы да жыцця і творчасці Максіма Багдановіча / Літ. музей М.Багдановіча; [Рэд. А.Бяляцкі]. — Мн., 1996. Сш. 1. — [129] с.
  • Архіўныя матэрыялы да жыцця і творчасці Максіма Багдановіча / Літ. музей М.Багдановіча. — Мн., 1997. Сш. 2. — [139] с.
  • Літаратурны музей Максіма Багдановіча — The literature museum of Maksim Bagdanovich / В.Мікута, П.Качаткова, Т.Шубіна. — Мн.: Музей М.Багдановіча, 1996. — [79] с.
  • Каханоўскі Г. А. У родным краі / Беларус. добраахвотнае т-ва аховы помнікаў гісторыі і культуры. — Мн.: Полымя, 1983. — [16] с.
  • Бяляўская В. Угодкі Максіма Багдановіча / / Звязда. — 1996. — 30 мая.
  • Бяляцкі А. З жыцця Максіма Багдановіча / / ЛіМ. — 1997. — 11 крас.
  • Бяляцкі А. «Рупіцца аб эстэтыцы, „красе“ таго, што ідзе да людзей…» / / ЛіМ. — 1994. — 9 снеж.
  • В венок поэту / / Знамя юности. — 1991. — 10 дек. Жданко В. Музей паэта / / Звязда. — 1991. — 7 снеж.
  • Здесь витает дух поэта / / Советская Белоруссия. — 1991. — 10 дек. Качаткова П., Мікута В.
  • Вянок экспазіцыі: З вопыту пабудовы Літ. музея М.Багдановіча / / Мастацтва. — 1992. — № 12. — С. 63-67.

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  711Е000001