Дзітва

Рака

Дзітва
Агульныя зьвесткі
Выток	каля м. Эйшышкаў
Вусьце	Нёман
Краіны басэйну	Беларусь
Вобласьці	Гарадзенская вобласьць
Даўжыня	93 км
Сярэднегадавы сьцёк	8,2 м³/с
Плошча басэйну	1220 км²
Нахіл воднай паверхні	0,4 ‰
Галерэя здымкаў у Вікісховішчы

Дзі́тва — рака ў Беларусі і Летуве, правы прыток Нёману. Цячэ ў Вярэнаўскім і Лідзкім раёнах Гарадзенскай вобласьці. Даўжыня 93 км (у межах Беларусі каля 90 км). Плошча вадазбору 1220 км². Выдатак вады ў вусьці 8,2 м³/с. Сярэдні нахіл воднай паверхні 0,4 ‰.

Асноўныя прытокі

• Правыя: Радунька, Чарняўка
• Левыя: Каменка, Восаўка, Буклінка, Крупка, Лідзея

Агульныя зьвесткі

Пачынаецца каля места Эйшышкаў у Летуве, за 1,2 км ад вёскі Даўгердзішкаў перасякае граніцу Беларусі, цячэ ў межах Лідзкай раўніны, у нізоўі — Нёманскай нізінай. Вусьце за 1,3 км ад вёскі Бенявічаў Лідзкага раёну.

Даліна выразная, яе шырыня да ўтоку ракі Крупкі 1—2,5 км, ніжэй 0,6—1,1 км. Абалона двухбаковая, забалочаная, шырынёй ад 500 м да 1 км. Рэчышча ад граніцы зь Летувой (50 км) каналізаванае, ніжэй моцназьвілістае, падзяляецца на рукавы, шырыня ў межах 20—25 м, у верхняй плыні 5—10 м.

Літаратура

• Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1
• Природа Белоруссии: Попул. энцикл. / БелСЭ; Редкол.: И. П. Шамякин (гл.ред.) и др. — Мн.: БелСЭ, 1986. — 599 с., 40 л. ил.
• Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1—2. — Л., 1971.