Галоўнакамандуючы

Галоўнакама́ндуючы — вышэйшая ввайсковая пасада на якім-небудзь тэатры вайсковых дзеяньняў або стратэгічным напрамку (рэгіёне), а таксама ў асобных відах Узброеных сіл многіх краінаў.

У мінулым галоўнакамандуючыя прызначаліся для кіраўніцтва ўсімі дзеючымі арміямі. Падчас Першай сусьветнай вайны былі галоўнакамандуючыя францускай і ангельскай арміямі, галоўнакамандуючы Ўсходнім фронтам ў Нямеччыне, галоўнакамандуючыя Паўночным, Заходнім, Паўночна-Заходнім, Паўднёва-Заходнім і Каўкаскага фронту ў Расеі. У гэты пэрыяд галоўнакамандуючыя ў расейскіх і нямецкай войсках падпарадкоўваліся вярхоўнаму галоўнакамандуючаму, а ў ангельскай і францускай арміях — сваім урадам праз генштабы і, акрамя таго, аб’яднанаму саюзнаму камандаваньню.

Напярэдадні Другой сусьветнай вайны ва ўзброеных сілах шэрагу краінаў для кіраўніцтва сухапутнымі войскамі, ваенна-паветранымі і ваенна-марскімі сіламі прызначаліся галоўнакамандуючыя гэтымі відамі ўзброеных сіл. Ва ўзброеных сілах нацысцкай Нямеччыны былі створаны 3 самастойныя галоўнакамандаваньні на чале з галоўнакамандуючымі (сухапутных войскаў, ВПС і ваенна-марскіх сіл). Падчас Другой сусьветнай вайны ЗША мелі галоўнакамандуючых ціхаакіянскімі ваенна-марскімі сіламі і галоўнакамандуючага аб’яднанымі саюзнымі сіламі на Эўрапейскім ТВД.

У Савецкіх узброеных сілах галоўнакамандуючыя былі на Паўночна-Заходнім, Заходнім, Паўднёва-Заходнім (ліпень 1941 — май 1942), Паўночна-Каўкаскім (красавік — май 1942) напрамках і на Далёкім Усходзе (1945). Да распаду Савецкага Саюзу меліся галоўнакамандуючыя рознымі відамі ўзброеных сіл, а таксама галоўнакамандуючыя Групай савецкіх войскаў у Нямеччыне. Кіраваньне аб’яднанымі ўзброенымі сіламі краінаў — удзельніц Варшаўская дамова ажыцьцяўлялі галоўнакамандуючыя гэтымі сіламі. З 1955 па 1991 існавала пасада галоўнакамандуючага Аб’яднанымі Ўзброенымі сіламі краін Варшаўскай дамовы.

Пасады галоўнакамандуючага існуюць таксама ва ўзброеных сілах краінаў НАТА. Дарэчы існуе галоўнакамандуючы аб’яднанымі Ўзброенымі сіламі НАТА.

Глядзіце таксама[рэдагаваць | рэдагаваць крыніцу]

Радянська військова енциклопедія «ГРАЖДАНСКАЯ — ЙОКОТА» // = (Советская военная энциклопедия) / Маршал Советского Союза Н. В. ОГАРКОВ — председатель. — М.: Воениздат, 1979. — Т. 3. — С. 567. — ISBN 00101-236 (рос.)