Антоніё Начэрына
| Антоніё Начэрына | ||
 Antonio Nocerino | ||
| Пэрсанальная інфармацыя | ||
|---|---|---|
| Нарадзіўся | 9 красавіка 1985 (39 гадоў) Нэапаль, Італія | |
| Рост | 175 см | |
| Вага | 75 кг | |
| Пазыцыя | паўабаронца | |
| Моладзевыя клюбы | ||
| 1998—2002 | Ювэнтус | |
| Клюбы | ||
| Гады | Клюб | Гульні (галы)¹ |
| 2003—2008 2003—2004 2004—2006 2005 2005 2006 2006—2007 2008—2011 2011—2016 2014 2014 2015 2016—2017 2018 |
Ювэнтус → Авэліна →Джэноа → Катандзара → Кратонэ → Мэсына → П’ячэнца Палерма Мілян → Ўэст Гэм Юнайтэд → Тарына → Парма Арланда Сіці Бэнэвэнта |
32 (0) 34 (0) 5 (0) 21 (0) 15 (0) 11 (1) 37 (6) 106 (6) 74 (12) 10 (0) 5 (0) 20 (3) 52 (1) 6 (0) |
| Зборныя | ||
| 2007—2012 | Італія | 15 (0) |
Анто́ніё Начэры́на (па-італьянску: Antonio Nocerino; нарадзіўся 9 красавіка 1985 году, Нэапаль, Італія) — колішні італьянскі футбаліст, паўабаронца. Выступаў за нацыянальную зборную Італіі.
Кар’ера[рэдагаваць | рэдагаваць крыніцу]
Першыя гады[рэдагаваць | рэдагаваць крыніцу]
Антоніё пачаў сваю кар’еру ў «Ювэнтусе» пасьля пэрыяду арэнды ў «Авэліна» й «Джэноа», які набыў 50% правоў на яго, паколькі Дамэніка Крышыта зьехаў у Турын. У ліпені 2007 году «Ювэнтус», які валодаў 50% правоў на гульца, купіў рэштку правоў у «П’ячэнцы», заплаціўшы 3,7 мільёну эўра. У ліпені 2008 году Начэрына перайшоў у «Палерма», як частка платы «Ювэнтусу» за Амаўры.
«Мілян»[рэдагаваць | рэдагаваць крыніцу]
31 жніўня 2011 году падпісаў кантракт зь «Мілянам» тэрмінам да 30 чэрвеня 2016 году[1][2]. Сума ўгоды склала 500 тысячаў эўра, а таксама палова правоў на 19-гадовага абаронцу Рыкарду Фэрэйра, які перайшоў у «Мілян» з «Бэнфікі» на правах вольнага агента тым жа летам. Трэнэр «Міляну» Масыміліяна Алегры бачыў у Начэрына замену атрымаўшаму цяжкую траўму калена Мат’ё Фляміні[3].
У 7-м туры чэмпіянату Італіі ў матчы супраць «Палерма» Начэрына забіў свой першы гол за «Мілян». А ў 9-м туры ў хатнім матчы супраць «Пармы» Начэрына нечакана зрабіў хет-трык, стаўшы найлепшым гульцом матчу. Для паўабаронцы гэта быў першы ў кар’еры хет-трык. 2 сьнежня Антоніё забіў свой пяты мяч у чэмпіянаце Італіі, на гэты раз у гасьцёх у браму «Джэноа». Да сярэдзіны сакавіка 2012 году Антоніё забіў яшчэ 4 мячы ў чэмпіянаце Італіі, давёўшы агульны лік сваіх мячоў у сэзоне да 9. Характэрна, што за ўсю кар’еру да «Міляну» Антоніё ў 150 матчах у Сэрыі А забіў ўсяго 6 мячоў.
Улетку 2012 году Начэрына зьмяніў свой нумар у клюбе на 8 пасьля сыходу Джэнара Гатуза ў швайцарскі «Сіён». Ён сказаў, што гэта ёсьць «вялікі гонар», атрымаць кашулю з нумарам 8, зрабіўшыся такім чынам пераемнікам Джэнара[4]. Аднак на наступны сэзон ён зьмяніў гульнёвы нумар на 23 пасьля сыходу з каманды былога капітана Масыма Амбразыні.
«Ўэст Гэм Юнайтэд»[рэдагаваць | рэдагаваць крыніцу]
25 студзеня 2014 году Антоніё падпісаў кантракт з клюбам ангельскай Прэм’ер-лігі «Ўэст Гэм Юнайтэд», перайшоўшы ў клюб на правах арэнды да канца сэзону[5]. Дэбютаваў на Імглістым Альбіёне ў сустрэчы супраць «Чэлсі» 29 студзеня на Стэмфард Брыдж, выйшаўшы на замену Кевіну Нолану на 80 хвіліне матча, які скончыўся зь лікам 0:0[6].
Міжнародныя выступы[рэдагаваць | рэдагаваць крыніцу]
У зборнай Італіі Антоніё дэбютаваў у таварыскім матчы супраць зборнай Паўднёвай Афрыцы 17 кастрычніка 2007 году. Наступны раз згуляў за зборную праз 3,5 году ў сакавіку 2011 году супраць каманды Славеніі. З 2011 году стаў асноўным гульцом зборнай, правёўшы за год 8 гульняў, у тым ліку 4 матчы ў адборачным турніры да Эўра-2012.
Крыніцы[рэдагаваць | рэдагаваць крыніцу]
- ^ Nocerino ceduto al Milan. Sito ufficiale dell'US Città di Palermo
- ^ AC Milan comunicato ufficiale. Sito ufficiale dell'AC Milan
- ^ Ночерино заменит Фламини в «Милане». SportBox.ru
- ^ Nocerino proud to wear Gattuso's No.8 jersey. Goal.com
- ^ [Hammers net Nocherino]. WHUFC.com
- ^ Chelsea 0-0 West Ham United. WHUFC.com
Вонкавыя спасылкі[рэдагаваць | рэдагаваць крыніцу]
- Профіль на сайце Сэрыі А
- Статыстыка(недаступная спасылка) на Soccerbase
- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball
- Нарадзіліся 9 красавіка
- Нарадзіліся ў 1985 годзе
- Нарадзіліся ў Нэапалі
- Італьянскія футбалісты
- Футбалісты зборнай Італіі
- Футбалісты клюбу «Авэліна»
- Футбалісты клюбу «Джэноа» Генуя
- Футбалісты клюбу «Кратонэ»
- Футбалісты клюбу «Ювэнтус» Турын
- Футбалісты клюбу «Палерма»
- Футбалісты клюбу «Мілян»
- Футбалісты клюбу «Ўэст Гэм Юнайтэд»
- Футбалісты клюбу «Тарына» Турын
- Футбалісты клюбу «Парма»
- Футбалісты клюбу «Арланда Сіці»
- Футбалісты клюбу «Бэнэвэнта»