Абвал гандлёвага цэнтру ў Рызе

	Абвал гандлёвага цэнтру ў Рызе
Краіна	Латвія
Месца	Рыга
Тып катастрофы	абвал даху
Прычына	Нявысьветленая
Дата	21 лістапада 2013
Час	17:41 UTC+2
Наступствы
Загінулі	54
Параненыя	38
Пацярпелі	40
Каардынаты	56°56′38″ пн. ш. 24°01′03″ у. д. / 56.94389° пн. ш. 24.0175° у. д.Каардынаты: 56°56′38″ пн. ш. 24°01′03″ у. д. / 56.94389° пн. ш. 24.0175° у. д.
	Абвал гандлёвага цэнтру ў Рызе на мапе Латвіі Абвал гандлёвага цэнтру ў Рызе
	Выявы па тэме «Абвал гандлёвага цэнтру ў Рызе» ў Вікісховішчы

Абвал гандлёвага цэнтру ў Рызе — катастрофа, якая адбылася 21 лістапада 2013 году а 18 гадзіне ў Рызе. У выніку абвалу даха супэрмаркету «Maxima XX» загінула 54 асобы, а 38 былі параненыя^[1]. Гэта была самая вялікая катастрофа ў Латвіі ад часоў атрыманьня незалежнасьці ў 1991 годзе.

Будынак[рэдагаваць | рэдагаваць крыніцу]

Будынак, які абрынуўся, належаў гандлёвай сетцы Maxima. Ён быў плошчай 4750 мэтраў квадратных і быў здадзены ў эксплюатацыю 3 лістапада 2011 году. Кошт пабудовы перасягнуў 1,4 млн эўра^[2]. Выканаўцам работ была фірма Re&Re^[3]. У будынку акрамя супэрмаркету «Maxima XX» знаходзіўся таксама банк, пошта і салён прыгажосьці. Пасьля здачы ў эксплюатацыю будынак перамог у архітэктурным конкурсе^[4].

Катастрофа[рэдагаваць | рэдагаваць крыніцу]

21 лістапада а 16:21 у супэрмаркеце спрацавала пажарная сыгналізацыя. Пэрсанал аднак не .распачаў эвакуацыю, а заспакоіў кліентаў і праінфармаваў іх, што сыгнал быў выкліканы тэхнічнай аварыяйм^[5]. У сапраўднасьці сыгналізацыя спрацавала на дым ад электразварачных прац, якія адбываліся ў супэрмаркеце. Дах супэрмаркету абрынуўся а 17:41, калі шмат народу прыйшло туды па закупы пасьля працы^[6].

Выратавальная акцыя[рэдагаваць | рэдагаваць крыніцу]

Каля 18:00 выратавальнікі атрымалі паведамленьне пра абвал часткі даху. Пасьля прыбыцьця першых адзінак спэцтэхнікі адбыўся чарговы завал, у выніку якога загінула трое пажарнікаў. Падчас выратавальнай акцыі частка элемэнтаў канструкцыі, які маглі абрынуцца ўтрымліваліся пад’ёмнымі кранамі. Выратавальнікі празь нейкі час спынялі працы і прасілі сваякоў загінуўшых тэлефанаваць родным, што апынуліся пад заваламі. Дзякуючы гэтаму знаходзіліся новыя ахвяры^[7].

Прычыны катастрофы[рэдагаваць | рэдагаваць крыніцу]

Прычыны катастрофы невядомыя Паліцыя мае тры гіпотэзы: заганы праекту і няправільны будаўнічы нагляд, заганнае выкананьне ці зьмяшчэньне на даху цяжкіх матэрыялаў у сувязі з разьмешчаным там зімовым садам^[7]. Тэрарыстычны акт — выключаецца.

Ахвяры[рэдагаваць | рэдагаваць крыніцу]

Загінулі ў асноўным жыхары рыскага раёну Zolitūde. Падчас другога абвалы загінула трое пажарных^[7].

Прыналежнасьць	Лічба ахвяр
Латвія	51
Расея^[8]	2
Арменія^[9]	1
Агулам	54

Вынікі[рэдагаваць | рэдагаваць крыніцу]

Прэзыдэнт Латвіі абвясьціў 23-25 лістапада днямі нацыянальнай жалобы. Дадаткова 23 лістапада а 10 гадзіне ў краіне прайшла хвіліна цішыні^[10]. У салідэрнасьць з латышамі 24 лістапада нацыянальную жалобу абвясьцілі ў Летуве і ў Эстоніі.

Бурмістар Рыгі паабяцаў пабудаваць на месцы трагедыі помнік прысьвечаны ахвярам^[11].

27 лістапада прэм’ер Латвіі Валдзіс Даброўскіс падаў у адстаўку, беручы пэўную адказнасьць за катастрофу^[12].

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

[1] Latvia president calls supermarket collapse 'murder'

[2] Maxima Zolitūdē

[3] Maxima sniedz savu skaidrojumu par notikušo 2013-11-22

[news1-4] 51 ахвяра абрушанага супэрмаркету

[5] Kāpēc ignorēja trauksmes signalizāciju?, LSM.lv 2013-11-23

[6] Traģiskā nakts pie sagruvušās 'Maxima' Zolitūdē. Teksta tiešraides arhīvs Delfi 2013-11-23}}

[news2-7] а ^б ^в Латвія: Да 49 узрасла лічба ахвяраў ў супэрмаркеце 2013-11-22}}

[8] Два гражданина России погибли при обрушении ТЦ в Риге

[9] Armenian citizen reported among victims in Latvia trade center collapse

[10] Нацыянальная жалоба ў Латвіі

[11] Ушаков: здание Maxima снесут, на его месте будет мемориал 2013-11-23

[12] Латвія: прэм’ер міністар сыходзіць з-за абрушэньня супэрмаркету 2013-11-27}}

[1]

[2]

[3]

[4]

[5]

[6]

[7]

[8]

[9]

[10]

[11]

[12]