О Гык Роль

Зьвесткі зь Вікіпэдыі — вольнай энцыкляпэдыі

О Гык Роль (па-карэйску: 오극렬) (нар. 1931) — паўночнакарэйскі дзяржаўны і вайсковы дзяяч, намесьнік старшыні Дзяржкамітэта абароны КНДР (зь лютага 2009).

Падчас Карэйскай вайны (1950—1953 гг.) О Гык Роль прымаў удзел у баявых дзеяньнях у званьні лейтэнанта, а затым вучыўся ў Ваеннай акадэміі імя Фрунзэ ў СССР, стаўшы пасьля рэктарам паўночнакарэйскага лётнага вучылішча і камандуючым ВПС. Валодае расейскай, кітайскай і ангельскай мовамі. У 80-х гадах О Гык Роль быў на пасадзе начальніка Генштаба Карэйскай народнай арміі, быў чальцом Цэнтральнага ваеннага камітэта партыі і яе галоўнага палітупраўленьня.

Ёсьць меркаваньне, што з-за канфлікту з тагачасным міністрам абароны КНДР О Дзін У быў вымушаны пакінуць гэтыя пасады, але добрыя зносіны з Кім Чэн Ірам дазволілі яму працягнуць работу. Ён стаў загадчыкам камітэту па справах грамадзянскай абароны ЦК ППК, затым узначаліў стратэгічны аддзел.

Дэпутат Вярхоўнага народнага сходу КНДР з 1967 году, у 1992 годзе быў узнагароджаны ордэнам Кім Ір Сэна.

Жанаты, мае 7 дзяцей.

Вонкавыя спасылкі[рэдагаваць | рэдагаваць крыніцу]