Катэдра сьвятога Віта

Зьвесткі зь Вікіпэдыі — вольнай энцыкляпэдыі
Катэдра сьвятога Віта

Катэдра сьвятых Віта, Вацлава ды Адальбэрта — галоўны каталіцкі храм Прагі, узор гатычнай архітэктуры.

Узьвядзеньне цяперашняга будынку катэдры было пачата ў 21 лістапада 1344 году Мацяшам з Арасу. Пасьля сьмерці апошняга ў 1352 годзе працу ўзначаліў Петэр Парлер, прадстаўнік славутай нямецкай сям’і архітэктараў. Паралельна з будаўніцтвам катэдры Парлер выконваў шматлікія іншыя заказы, у тым ліку стварыў знакаміты Карлаў мост, таму праца ішла павольна. На момант сьмерці Парлера катэдра была яшчэ далёка не завершаная. Будаўніцтва працягнулі сыны Петэра, Венцэль (Вацлаў) і Ёган (Ян) Парлеры. Канчаткова завершаны будынак быў нашмат пазьней, аб чым нагадвае верхняя частка паўднёвай вежы, зробленая ў стылі барока архітэктарам Нікалаўсам Пакасі.